PANGARATAION 26:3 - BIBEL JAMITA NA DENGGAN

³ Dapotkon hamu ma malim na markarejo di hatiha i, jana dokkon ma tu malim i, ‘Na patorangkon ma au tu Tuhan Debatangku paboa na dung masuk do au tu tano na nijanjihonNa i tu ompunta silehenonNa di hita.’

PANGARATAION 26:3 Referans Kwoze

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

IBRANI 10:21

Jana adong do di hita sada Malim Godang di Bagas Ni Debata.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

PANGARATAION 19:17

angkon kehe halahi na dua tu inganan paribadatan na dung ditontuhon Tuhan anso ditimbang angka malim dohot panguhum na topet markarejo di hatiha i.

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

PANGARATAION 26:4

Dung i jagiton ni malim i ma ampang i sian tanganmunu jana baenonna ma i tu jolo ni langgatan ni Tuhan Debatamunu.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”