PANGARATAION 25:9 - BIBEL JAMITA NA DENGGAN

⁹ angkon padonohon ni tading-tadingan ni angkangnia ma tusia di jolo ni angka hatobangon ni kota i, sintahonna ma sada sandal ni bayo i, tijuranna bohina i jana dokkononna ma, ‘On ma sitaonon ni jolma na so ra mangalehen pomparan di kahanggina.’

PANGARATAION 25:9 Referans Kwoze

BILANGAN 12:14

Dialusi Tuhan i ma, “Sugari ma ditijuri amangnia bohinia, manaon layas ma ia di bagasan pitu ari. Antong padao ma ia sian parbandaran i pitu ari honokna, dung i pe anso tola ia masuk mangulahi.”

JOHANNES 1:27

Umpudi dope Ia ro ulang au, tapi mangkarhari tali ni sipatuNia pe, nada tama dope au.”

MARKUS 10:34

Incahan ni halahi ma Ia, tijuranna, loncinganna baru ma dibunu. Tapi dung tolu ari, mulak mangolu ma Ia mangulahi.”

MARKUS 1:7

Dibaritahon ia ma songon on, “Saulahon dung salpu au, ro ma Sahalak na gumodang sian au. Hum unduk pe dijoloNia laho mangkarhari tali ni sipatuNia inda tumbuk dope au.

MATEUS 27:30

Dung i ditijuri halahi ma Ia, dibuat ma tungkot i sian tanganNia dilipatkon halahi ma tu uluNia.

MATEUS 26:67

Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

JESAYA 20:2

Tolu taon taran so i, disuru Tuhan do si Jesaya anak ni si Amos mambuka solopna dohot abit goni na nipakenia. Dioloi ia do i, gabe mardalan ia marsae mara jana nada marsolop.

JOB 30:10

Toruk jana hagigian do au diida halahi, salang bohingku pe ditijuri.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.

PANGARATAION 25:8

Jadi angkon piohonon ni angka hatobangon ni kota i ma bayo i anso mangkobari dohot ia. Muda laing nada ra ia marripehon anak boru i,

PANGARATAION 25:10

Botoon ni halak ma na sabagas i di Israel gabe ‘Halak na dibuat sandalna sabariba.’ ”

RUT 4:6

Dialusi bayo i ma, “Antong anggo songon i do, hupalua ma hakku laho manobusi tano i. Harana muda hutobusi i, laing na so pomparanku do hape nampuna i. Dumenggan ma ho manobusi i, ulang au.”