PANGARATAION 25:5 - BIBEL JAMITA NA DENGGAN

⁵ “Muda adong dua halak na martinadohon sainganan, jana mate ma sada halak, hape nada adong anaknia halaklahi, nada tola tading-tadinganna i marbagas dohot halak na asing di ruar ni na sabagas i. Na patut do buaton ni anggi ni na mate i na mabalu i.

PANGARATAION 25:5 Referans Kwoze

MATEUS 22:24

“Guru,” ninna halahi, “Anggo si Musa mangajarkon songon on do: Muda mate sada bayo na so adong dope anakna, angkon patugincaton ni anggina do dadaboru na nitinggalkonnia i anso adong na mangalehen pomparan di bayo na dung mate i.

LUKAS 20:28

“O, Guru! Disuratkon si Musa do tu hita tona on: Muda maninggal sada bayo jana ditadingkon ia ma daborunia, jana nada adong dakdanakna, angkon patugincaton do i anso adong pomparan ni kahangginia i.

MARKUS 12:19

“Guru, ditonahon si Musa do tu hita: ‘Muda mate sada bayo maninggalkon sada dadaboru ia, tapi nada jabat maruntungan halahi, angkon gabe patugincaton ni anggi ni na mate i ma na mabalu i anso mardakdanak ia. I ma na gabe pomparan di na mate i.’

RUT 4:5

Jadi ninna si Boas, “Antong denggan ma i anggo songon i. Tapi muda ditobusi ho tano i sian si Naomi, angkon laing buatonmu muse do si Rut na mabalu na sian Moab i. Harana anggo tano i angkon hot do gabe nampuna ni pomparan ni halak na dung jumolo monding i.”

RUT 3:9

“Ise dehe ho,” ning ia marsapa. “Si Rut do au, amang!” ninna si Rut mangalusi. “Kahangginami na solkot do ho amang, angkon martanggung jawab do ho di ngolungku. Jadi tama do buatonmu au antong gabe ripemu.”

PAMUNGKAAN 19:31

Didok borunia siangkaan i ma tu anggina, “Madung mur matobang amanta, jadi di luat on sudena nanggo adong halaklahi na gabe parbagasanta anso adong anakta.

RUT 1:11

“Ulang songon i, maen!” ning si Naomi mangalusi, “angkon mulak do hamu. Aha ma gunana hamu mangihutkon au? Tarbaen dope lakna au manubuhon anak halaklahi na gabe halaklahimunu?

RUT 3:2

Inda he rap markarejo dohot angka dadaboru i ho di ladang ni si Boas? Jadi sisolkotta do anggo si Boas. Antong, tangihon ma! Andospotang on na giot kehe do ia markarejo mamaspas burir-burir.

RUT 3:13

Di borngin on, laing tinggal ma ho dison; ancogot ma tasihiri betak na ra do ia padalan tanggung jawabna i maradopkon ho, sanga nada. Muda ra do ia antong, denggan; tapi muda nada ra ia, marjanji ma au mangasahon Debata na mangolu i bahaso na padalanonku tanggung jawab i. Antong, saonnari laing modom dison ma ho lopus manyogot.”