PANGARATAION 25:2 - BIBEL JAMITA NA DENGGAN

² Muda hona balbal do uhuman na didabu tu na marsala i, disuru panguhum i ma ia manungkap anso disambok. Piga noli ia sambohon, marguru tu hajahatan na nibaennia ma i.

PANGARATAION 25:2 Referans Kwoze

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 2:20

Harana aha ma he hasurunganna muda sobar hamu manjagit uhuman na patut tanggungonmunu hara ni hasalaanmunu? Tapi muda sobar hamu manjagit sitaonon na ro tu hamu hara ni na nibaenmunu na denggan, anggo i, pasupasuon ni Debata ma hamu.

BAENON NI ANGKA RASUL 5:40

Dung i dipiohon ma angka rasul i, diloncing jana dilarang ma halahi mangajarkon taringot tu Jesus mangulahi. I pe anso dipalua halahi.

MATEUS 27:26

Gabe dipalua si Latus ma si Barabbas di halahi. Dipaloncingkon ia ma Jesus, dipasahat ia ma anso niparsilangkon!

MATEUS 10:17

Jago-jago ma hamu harana adong do halak na giot manangkup hamu laho maroban hamu pajongjongon di rapot pangadilan ni ugamo. Loncingon ni halahi ma hamu di angka bagas paribadatan.

BAENON NI ANGKA RASUL 23:3

Dung i didokkon si Paulus ma mandok ia, “Tampelengon ni Debata ma ho, ale tembok na nihapuran! Umbaen na juguk pe ho dison, na giot manguhumi au do mangihutkon Tona i, tapi madung dilaosi ho Tona i markite-hite na nisurumu manampeleng au.”

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

PODA 19:29

Jolma na oto na ginjang roha pasti do i hona balbalan.