PANGARATAION 24:16 - BIBEL JAMITA NA DENGGAN

¹⁶ Ulang bunu hamu simatobang hara ni hajahatan na nibaen ni angka dakdanakna; jana ulang bunu hamu dakdanak hara ni hajahatan ni simatobangna. Hum hara ni hajahatan na nibaenna sandiri do anso tola niuhuman sada-sada halak.

PANGARATAION 24:16 Referans Kwoze

JEHESKIEL 18:20

Sanga ise na mambaen dosa, ia ma na giot mate. Nada angkon sai tanggungon ni anak panginona ni dosa ni amangna; sabalikna muse, ama pe nada angkon sai tanggungonna panginona ni angka dosa ni anakna. Sanga ise na burju jagitonna balos na denggan hara ni pambaenanna na denggan. Jana halak na jahat, jagitonna ma parkancitan patunda ni hajahatanna i.

2 JUJUR TAON 25:4

Tapi nada dibunu ia anggo angka dakdanak ni pagawe i harana diihutkon ia do parenta ni Tuhan na di Uhum Ni si Musa na mandok, “Ulang mate niuhuman simatobang hara ni hajahatan na nibaen ni angka dakdanakna, jana ulang mate niuhuman angka dakdanak hara ni hajahatan na nibaen ni angka simatobangna. Hara ni hajahatan na nibaenna sandiri do anso tola mate hona uhum sanga na ise.”

BILANGAN 26:11

Tapi anggo anak ni si Kora nada dohot dibunu.)

DANIEL 6:24

Sonang ma roha ni raja i jana diparentahon ia ma anso diparuar si Daniel sian liang i. Dung dipadalan parenta i, hape nada adong gasa ni si Daniel saotik pe, angke porsaya do ia tu Debatania.

1 SAMUEL 22:16

Tapi didok raja i ma, “Ahimelek, angkon mate ho dohot kahanggimu.”

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.