PANGARATAION 23:5 - BIBEL JAMITA NA DENGGAN

⁵ Hape nada ra Tuhan Debatamunu manangihon si Bileam. Mur dipabalik Tuhan noma bura i gabe pasupasu, hara ni holong ni rohaNia di hamu.

PANGARATAION 23:5 Referans Kwoze

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

SURAT NI SI PAULUS TU PARLAGUTAN ROM 11:28

Mangihutkon Jamita Na Denggan i, musu do halahi hara ni hamu, tapi mangihutkon pamilion i haholongan do halahi hara ni angka ompu i.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

JEREMIA 31:3

Hupatidahon do diringKu sian na dao tu halahi. O ale bangso Israel, sian najolo do sai holong rohangKu mida hamu, jana laing torus do tu joloan on giot patuduhononKu na holong rohangKu mida hamu.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

PODA 26:2

Songon unggas na habang di awang-awang jana hum na mamolus sajo, nada tarbaen hona bura halak muda na so marsala do.

MASMUR 73:1

Satutuna burju do Debata mida na bulus roha, mida halahi na ias rohana.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

SURAT NI SI PAULUS TU PARLAGUTAN ROM 9:13

Songon na tarsurat i, “Holong do rohangKu mida si Jakob, tapi na goyak do rohangKu mida si Esau.”

BILANGAN 22:35

Didok Surusuruan Ni Tuhan i ma, “Ihutkon sajo ma angka jolma i. Tapi hum na Husuru do tola dohononmu.” Dung i ditoruskon si Bileam ma dalanna rap dohot suruan ni si Balak i.

MALEAKI 1:2

Didok Tuhan ma tu bangsoNia, “Sian najolo do Huhaholongi hamu.” Tapi dialusi halahi do, “Bia ma he dibaen Ho manghaholongi hami?” Dialusi Tuhan ma, “Nada he martinadohon si Esau dohot si Jakob? Huhaholongi do si Jakob dohot pomparanna,

PANGARATAION 4:37

Hara ni na holong rohaNia di ompumunu, madung ditodo Ia hamu; mardongan godang ni kuasoNia, madung dioban Ia hamu ruar sian Mesir.

JOSUA 24:10

Tapi nada Huterge si Bileam; gabe nada mamurai ia tu hamu tapi mamasumasu do. Songon i ma Hubaen laho paluahon hamu sian si Balak.

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

NEHEMIA 13:2

harana taran na mardalan bangso Israel ruar sian Mesir, nada dilehen bangso na dua i sipanganon dohot aek tu bangso i. Diupai halahi dope si Bileam laho mamurai bangso Israel, tapi dipauba Debata burana i gabe pasupasu.’

BILANGAN 22:5

ma suruanna laho mamio si Bileam anak ni si Beor na maringanan di kota Petor donokkon ni Batang aek Efrat di Luat Amau. Dipalalu angka suruan i ma tu si Bileam tona sian si Balak songon on, “Anso diboto ho, adong sada bangso na ro sian Mesir, sarsar do halahi sun tu dia, gabe parmaraan do on di luatnami.

PANGARATAION 2:29

lopus hami taripari Batang aek Jordan laho mamasuhi tano na giot silehenon ni Tuhan Debatanami tu hami. Pomparan ni si Esau na maringanan di Edom dohot halak Moab na maringanan di Ar, madung mangisinkon hami mamolus luat ni halahi.’