PANGARATAION 22:9 - BIBEL JAMITA NA DENGGAN

⁹ Ulang suan hamu suan-suanan na asing rap dohot bona ni anggurmunu. Muda laing disuan hamu do i, nada tola buatonmunu batu ni suan-suanan i, bope dohot hasil ni anggurmi.

PANGARATAION 22:9 Referans Kwoze

HAMALIMON 19:19

Oloi ma angka parentangKu. Dua rupa pahan-pahanan, ulang dipacampur na sarupa tu na sarupa nari. Ulang suan dua ragam same di sada ladang. Ulang pake ulos na nitonun sian dua rupa bonang.

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

MATEUS 9:16

Nada didungkapkon halak abit na imbaru tu abit na buruk, harana, gabe disibak pandungkap i do abit na buruk i gabe mur bidang ma na masibak i.

JAKOBUS 3:10

Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

SURAT NI SI PAULUS TU PARLAGUTAN ROM 11:6

Tapi hara ni asi ni roha do, nada be sian pambaenan; sugari nada songon i nada asi ni roha be dohonon asi ni roha i.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

PANGARATAION 22:8

Muda pajongjong bagas hamu, angkon baenonmunu do handang humaliang tarupna i. Gabe nada hamu be martanggung jawab ampot adong sanga na ise na madabu sian tarup i lalu mate.