PANGARATAION 22:24 - BIBEL JAMITA NA DENGGAN

²⁴ Muda di pangalaho na songon on, angkon obanonmunu do halahi tu balian ni kota, jana nidangguran ma halahi dohot batu lopus mate. Angkon dibunu do bujing-bujing i dibaen nada mangangguhi ia mangido tolong, haru pe di bagasan kota do ia, tarbege hian do nian sorania. Jana angkon bunuon do bayona i hara ni na marcampur ia dohot sada bujing-bujing na dung martunangan. Songon i ma baenonmunu mangagohon hajahatan i.

PANGARATAION 22:24 Referans Kwoze

PANGARATAION 21:14

Muda dipudian ni ari nada por be rohamu disia, tola do suruonmu ia kehe roha-rohania. Nada tola baenonmu sanga gadisonmu ia songon hatoban hara ni na dung dipatoruk ho ia.”

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

MATEUS 1:24

Dung ngot si Josep, dipatulus ia ma na nidok ni surusuruan ni Tuhan tusia. Dibuat ia ma si Maria gabe dadaborunia.

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

PAMUNGKAAN 29:21

Dung salpu i, didok si Jakob ma tu si Laban, “Ma abis da hatihana; paloas ma marbagas au dohot borumunu i.”

PANGARATAION 22:23

Umpamana adong ma sada bayo na tardapot marcampur dohot sada bujing-bujing na dung martunangan dohot halak na asing.

PANGARATAION 22:25

Umpamana adong ma sada bayo di ladang na mamaksa sada bujing-bujing na dung martunangan, anso marcampur. Anggo di pangalaho na songon on, hum halaklahi i do na angkon mate hona uhum.

JOB 31:11

Muda na tutu hubaen dosa na songon i, na patut ma au diuhumi.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

PANGARATAION 17:7

Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.

JEHESKIEL 16:38

UhumanKu do ho hara ni parhamainan dohot pamunuon na nibaenmi. Mate ma ho uhumanKu di bagasan muruk dohot rimasKu.