PANGARATAION 22:1 - BIBEL JAMITA NA DENGGAN

¹ Muda diida hamu lilu lombu sanga biri-biri ni dongan sabangsomunu Israel, ulang dipaula so niboto, tapi oban ma pahan-pahanan i mulak tu nampuna i.

PANGARATAION 22:1 Referans Kwoze

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

PODA 24:11

Ulang ho ganggu paluahon halak na dung didabu uhuman hamatean markite-hite uhum na so tingkos, palua ma halak na ditogu tu inganan habuangan.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

MATEUS 15:24

Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”

MATEUS 10:6

Tapi topot hamu ma angka biri-biri na mago sian pomparan ni Israel.

JEHESKIEL 34:4

Angka biri-biri na gale so jungada dipature hamu, na lilu dohot na mago nada dijalahi hamu anso dioban mangulahi. Mur jingar do pambaenmunu tu biri-birimunu i sudena.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

PODA 28:27

Na mangalehen tu na pogos nada i marhahurangan. Sanga ise na papitpit matana tu haporluan ni na pogos, hona bura baenon ni halak.

HAMALIMON 20:4

Muda paula-ula so diida halak na bahat do pambaenannia i jana nada dibaen halahi uhum hamatean tusi,

1 KORINTUS 9:9

Di buku ni si Musa tarsurat do, “Nada patut nihuntam pamangan ni horbo na mardege!” Hum horbo ma he lakna na diparate-atehon ni Debata?

PANGARATAION 22:2

Tapi muda dao nampuna i sian bagasmu, sanga nada diboto hamu nampunasa, oban ma pahan-pahanan i tu bagasmu. Muda ro nampuna i manjalahisa, pasahat ma pahan-pahanan i tusia.

PODA 27:10

Ulang halupahon donganmu dohot dongan ni amangmu. Di hasusaan, ulang pangido bantuan ni kahanggimu; margunaan do hombar bagas na donok ulang pado dongan saama-saina na dao.

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.