PANGARATAION 21:8 - BIBEL JAMITA NA DENGGAN

⁸ Tuhan, ampuni ma bangsoMu Israel na nipaluaMi sian Mesir. Ampuni ma hami, jana ulang etong hami na martanggung jawab di pamunuon ni halak na so marsala i.’

PANGARATAION 21:8 Referans Kwoze

JUNUS 1:14

Jadi hara ni i pio-pio ma halahi tu Tuhan, ninna ma, “Ale Tuhan, mangido hami ulang ma hami diuhumi marutang hosa hara ni na manyintak hosa ni jolma na so mambaen hasalaan bagi aha pe tu hami. Ho do Tuhan na mambaen tarjadi sude.”

MATEUS 23:35

Ujungna madabu ma tu hamu uhuman hara ni na nibunumunu sude angka na so marsala i mamungka sian pamunuon na tu si Abel na so marsala i lalu tu pamunuon na tu si Zakaria anak ni si Berekia na giot bunuonmunu di holang-kolang ni bilik na badia dohot inganan ni haul na di Bagas Ni Debata i.

JEHESKIEL 23:3

Taran poso halahi, maringanan di Mesir do. Disi ma mago habunjingon ni halahi, lalu gabe siboru jalang ma halahi.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

2 RAJA-RAJA 24:4

lumobi ma i hara ni pamunuon na nibaennia maradopkon angka halak na so marsala, inda ra Tuhan manyesa dosa ni Manase hara ni angka pambaenanna.

2 SAMUEL 3:28

Di na tarbege tu si Daud barita i, didok ia ma, “Diboto Tuhan do na so marsala au dohot rayatku di pamunuon maradopkon si Abner i.

PANGARATAION 21:7

jana mandok, ‘Nada hami na mamunu jolma i, jana nada hami boto sanga ise na mamunu i.

1 RAJA-RAJA 2:31

Umbege i didokkon raja i ma, “Kehe ma ho, baen ma songon na nidoknia i. Bunu ma ia lalu kuburkon, anso ulang be mangonai tu au dohot tu pomparanku pamunuon ni si Joab tu halak na so marsala.