PANGARATAION 21:22 - BIBEL JAMITA NA DENGGAN

²² “Muda adong sada halak na mate hona uhum hara ni hajahatanna, jana digantung bangkena i di tiang panggantunganna,

PANGARATAION 21:22 Referans Kwoze

BAENON NI ANGKA RASUL 26:31

Dung di ruar, mangkata-hatai ma halahi, “Nada adong dibaen bayo on sanga aha na patut angkon mate niuhuman ia sanga hurungkononkon,” ninna halahi.

BAENON NI ANGKA RASUL 23:29

Disi huboto ma bahaso hum hara ni parsasilisian taringot tu Tona ni halahi do, dibaen na niaduhon ia, tapi nada adong dapot hasalaannia na patut mate ia uhumon sanga hurungkonon.

LUKAS 23:33

Dung lalu tu inganan na margoar “Partangkurahan”, dipaku halahi ma Jesus tu hayu parsilang i. Diparsilangkon muse ma dohot sidua halak na jahat i, sahalak ma i di siamun ni Jesus jana na sada nari di siambirangNia.

MATEUS 26:66

Saonnari bia ma pandapotmunu?” Dialusi halahi ma, “Angkon ni pamate ma Ia.”

PANGARATAION 22:26

Anggo anak boru i nada tola hahuaon, angke nada adong dibaen ia sanga na aha na patut mate hona uhum ia. Sarupa do uhumanna songon di parkaro ni sada bayo na mangaroro halak na asing lalu dibunusa.

BAENON NI ANGKA RASUL 25:11

Muda na sala ma au tu aturan jana muda na patut ma au mate niuhuman, rade do au mate. Tapi anggo na so tutu do adu-aduan ni halahi i, sanga ise pe nada marhak laho pasahatkon au tu halahi. Hupangido, di jolo ni Kesar i ma au niadilan,” ning ia.

MARKUS 14:64

Madung sude hamu sandiri umbege hataNia na jahat i. Saonnari, aha ma haputusanna?” Sude halahi mamutuskon bahaso marsala Jesus. Patut mate uhumon.

2 SAMUEL 21:9

Dipasahat ma halahi tu halak Gibeon, jana rap mate di gantungan ma sipitu halak i di ginjang dolok di adopan ni Tuhan. Di ujung ni musim bunga ma dipadalan uhuman mate i, di na mamungka manggotil jabaure.

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

2 SAMUEL 4:12

Dung salpu i diparentahon si Daud ma tu parangannia anso dibunu si Rekhab dohot si Baana. Dung dibunu, digotap ma tangan dohot patna i jana digantungkon di lambung tobat na di Hebron. Tapi anggo ulu ni si Isboset i dibuat ma jana ditanom laing di kota i di bagasan kuburan ni si Abner.

1 SAMUEL 26:16

Nada manjadi ho mandalankon karejomu, Abner! Mangasahon Tuhan na mangolu i, sapatutna do nian dimatehon hamu sude, angke nada dijagohon hamu tuanmunu na nipili ni Tuhan i. Ligi ma! Ma di dia he tombak ni raja i? Ma di dia gendi na di lambung ni ulu ni raja i nangkin?”

JOSUA 10:26

Lalu dibunu si Josua ma angka raja i digantung ia halahi di lima bona ni hayu. Dipadiar do disi bangkena i lopus borngin.

JOSUA 8:29

Anggo raja ni Ai digantung ia di bona ni hayu, dipadiar ia disi lopus borngin. Jana dung lusut mataniari disuru si Josua ma halak mambuat bangke i lalu didanggurkon di dalan laho masuk tu horbangan ni kota i. Dung i ditimbuni ma inganan i dohot batu bahat sajo. Laing disi dope angka batu i lopus tu saonnari.

PANGARATAION 19:6

Sugari sura hum sada kota sajo, betak madaotu antarana i tusi, gabe sanga koum sisolkot na martanggung jawab laho mamalos parmatena i ro mangkojarsa jana di hatiha parpiar ni murukna dibunusa halak na so marsala i. Hape nian nada na sangajo ia mamunu halak na so musunia i hian.

BAENON NI ANGKA RASUL 25:25

Hape nada adong bagi aha dapot au na sala dibaen ia anso mate niuhuman ia. Boti muse hara ni pangidoannia sandiri angkon di jolo ni Kesar i noma ia adilan, gabe hupaputus ma di bagasan rohangku angkon suruon noma ia mandapotkon Kesar i.

BILANGAN 25:4

didok ma tu si Musa, “Palagut ma sude pamimpin ni Israel, dung i bunu ma halahi di jolo ni halak na bahat i gabe hatutulus ni parentangKu, anso mintop murukKu tu bangso on.”

JOSUA 10:27

Dung lusut mataniari, diparentahon si Josua ma, gabe dipaijur bangke i lalu disampakkon tu bagasan liang i, na nipake ni angka raja i hian inganan partabunian. Dung i dibaen ma batu na godang-godang di baba ni liang i. Lopus saonnari laing disi dope angka batu i.

PAMUNGKAAN 40:19

Di bagasan tolu ari on, suruon ni raja i ma halak mamonggol ulumi jana gantungkononna ma pamatangmu di sada tiang, anso dipapangani angka unggas.”

2 SAMUEL 21:10

Dung i dipahembang si Rispa rading ni si Saul i ma abit goni disia di ginjang batu inganan ni angka bangke i mambustang. Nada morot si Rispa sian i sian na mamungka sabion lopus tu haroro ni udan di musim nonat. Nada diloas ia angka unggas manghahua bangke i muda arian sanga diganggu binatang muda di borngin ni ari.