PANGARATAION 21:21 - BIBEL JAMITA NA DENGGAN

²¹ Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”

PANGARATAION 21:21 Referans Kwoze

HAMALIMON 24:16

jana mate uhumon. Sanga ise, halak Israel pe sanga halak na leban na tinggal rap dohot Israel, muda diburai ia Tuhan, angkon dangguran ni halak na bahat i ma ia dohot batu lopus mate.

PANGARATAION 22:24

Muda di pangalaho na songon on, angkon obanonmunu do halahi tu balian ni kota, jana nidangguran ma halahi dohot batu lopus mate. Angkon dibunu do bujing-bujing i dibaen nada mangangguhi ia mangido tolong, haru pe di bagasan kota do ia, tarbege hian do nian sorania. Jana angkon bunuon do bayona i hara ni na marcampur ia dohot sada bujing-bujing na dung martunangan. Songon i ma baenonmunu mangagohon hajahatan i.

PANGARATAION 22:21

jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.

PANGARATAION 17:5

angkon toguon do parjahat i tu balian ni kota jana nidangguran dohot batu lopus mate.

HAMALIMON 20:2

mandok hata on tu bangso Israel, “Sanga ise sian tonga-tongamunu, sanga halak na leban na tinggal rap dohot hamu, mangalehen anakna gabe pangoloi di Debata Molok, angkon dangguran ni halak na bahat do i dohot batu lopus mate.

HAMALIMON 20:27

Ganop halaklahi sanga dadaboru na mambaen pardomuan dohot tondi ni angka na mate, angkon dangguran dohot batu lopus mate. Hamamate ni halak na mambaen songon i, hara ni hasalaan ni halahi sandiri do i.”

HAMALIMON 24:14

“Oban ma bayo i tu balian ni parbandaran. Ganop halak na dung umbege ibana mamurai, dipayakkon ia ma tanganna tu ulu ni bayo i manyaksihon na dung marsala bayo i. Dung i dangguran ni halak na bahat i ma ia dohot batu lopus mate.

BILANGAN 15:25

Dung i angkon karejohonon ni malim i ma upacara taringot tu hasesaan ni dosa ni na bahat i. Dung i ampunan ni Debata ma halahi hara ni hasalaan na so niuntil i jana na dung dioban halahi haul hasesaan ni dosa gabe haul sipanganon tu Tuhan i.

BILANGAN 15:35

Didok Tuhan ma tu si Musa, “Angkon mate uhumon do bayo i, nioban ma ia tu balian ni parbandaran i.”

BILANGAN 15:36

Sude halak na bahat i angkon mandangguri ia dohot batu lopus mate di balian ni parbandaran i. Dioban si Musa dohot halak na bahat i ma bayo i tu balian ni parbandaran i jana didangguri halahi disi dohot batu lopus mate, songon na dung diparentahon Tuhan i.

PANGARATAION 21:20

Angkon dokkonon ni halahi ma tu hatobangon ni kota i, ‘Na jogalan roha ni dakdanaknami on, sai mangalo jana nada ra mangihutkon hata na hami dok; pangabis-ngabis hepeng jana sai ra mabuk.’

2 SAMUEL 18:17

Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

HARURUAR 21:17

Sanga ise na mamurai amangna sanga inangna angkon mate niuhuman.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 13:12

Muda sanoli on diingani hamu angka kota na nilehen ni Tuhan Debatamunu i di hamu, ra do sar barita

PANGARATAION 17:7

Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.