PANGARATAION 21:19 - BIBEL JAMITA NA DENGGAN

¹⁹ Jadi angkon paadopon ni simatobangna i do anakna i tu jolo ni angka hatobangon ni kota inganan ni halahi i, jana pangidoonna ma anso diadili dakdanakna i di harbangan ni kota i.

PANGARATAION 21:19 Referans Kwoze

ZAKARIA 13:3

Jana betak sai adong dope antong jolma na mandok, na palaluhon tonangKu ia, amangnia sandiri dohot inangnia mandok tusia angkon marutang hosa ia niuhuman, angke gabus do na nidoknia i. Muda laing dipupu ia do mandok panurirang ia, tihamon ni amang dohot inangnia sandiri noma ia lopus mate.

PANGARATAION 25:7

Tapi muda nada ra anggina i mambuat tading-tadingan ni mandiang i, angkon kehe do anak boru i tu harbangan ni kota paboahon tu angka hatobangon ni kota jana dokkononnia ma, ‘Nada ra anggi ni halaklahingku na jumolo i patupahon na patut baenonnia tu au. Digagai ia do laho mangalehen sada pomparan di tonga-tonga ni bangso Israel.’

PANGARATAION 21:2

Di bagasan pangalaho na songon i angkon ukuron ni hatobangon ni kota dohot panguhummunu do dao ni inganan ni bangke i dapot tu ganup kota na dumonok.

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

PANGARATAION 21:18

“Adong ma umpamana anak halaklahi na jogal roha, sai mangalo jana nada ra mangihutkon na nidok ni simatobangna haru pe nian na dung dipincang halahi ia.

PANGARATAION 21:20

Angkon dokkonon ni halahi ma tu hatobangon ni kota i, ‘Na jogalan roha ni dakdanaknami on, sai mangalo jana nada ra mangihutkon hata na hami dok; pangabis-ngabis hepeng jana sai ra mabuk.’

JEREMIA 38:7

Adong do sada halak Sudan na karejo hatiha i di bagas godang ni raja i. Si Ebedmelek goarna. Tarbege ma tusia na dung dipamasuk au tu bagasan sumur i. Taran manguluhon rapot raja i di pintu Horbangan Benyamin,