PANGARATAION 20:18 - BIBEL JAMITA NA DENGGAN

¹⁸ Angkon bunuonmunu do halahi, anso ulang mardosa hamu maradopkon Tuhan hara ni na mangihut di pangajaran ni halahi laho mambaen angka pangalaho hagigian na nipatupa ni halahi di na mamele angka debata ni halahi.

PANGARATAION 20:18 Referans Kwoze

HARURUAR 23:33

Ulang padiar-diar hamu halahi mangingan-ingani luatmunu i; harana anggo dipadiar hamu do halahi disi, gabe mardosai do hamu baenon ni halahi. Muda disomba hamu angka debata ni halahi, madabu do hamu tu tirangkap ni hamatean.”

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

2 TESSALONIKA 3:14

Betak adong na so ra mangihutkon na hami dok di bagasan surat on, tanda hamu ma halak na songon i jana ulang pardongan hamu halahi anso maila.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

JOSUA 23:13

ingot hamu ma pasti nada paoroton ni Tuhan Debatamu angka bangso i di hamu. Tapi sabalikna, gabe parmaraan godang noma halahi di hamu, angke na gabe jorgong noma halahi sanga songon tirangkap di hamu. Halahi pe baenonna ma hamu markancit situtu; angke na gabe songon sambok-sambok do halahi tu tanggurungmunu sanga songon duri di bagasan matamunu. Sai torus ma hamu markancit lopus umpe adong be sahalak sian tonga-tongamunu na tading di luat na denggan on na nilehen ni Tuhan Debatamunu di hamu.

HARURUAR 34:16

Muda dialap hamu boru ni halahi gabe parumaenmu, jana markarosuan ma angka daboru i mangihutkon debata ni halahi, gabe elek-elekon ni halahi ma angka anakmi anso dohot markarosuan mangihutkon debata ni halahi.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

HAKIM-HAKIM 2:3

Jadi saonnari, tangihon hamu ma! Nada paorotonku angka halak luat on muda marporang hamu dohot halahi. Gabe musumunu ma halahi, jana tarjorat ma hamu, lopus dohot hamu marsomba tu angka debata ni halahi.”

PANGARATAION 18:19

Marhite goarKu do ia mandok hata, jana uhumanKu do sanga ise na so mangoloi ia.

HARURUAR 34:12

Jago-jago hamu, ulang jabat mambaen janji hamu dohot halak di luat na nidapotkonmunu i, anso ulang gabe jorgong halahi muse di tonga-tongamunu.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

PANGARATAION 20:17

Angkon abiskononmunu do sude bangso i: Halak Het, Amori, Kanaan, Peris, Hewi dohot Jebus, songon na dung diparentahon Tuhan i tu hamu.

PANGARATAION 20:19

Muda hatiha topet manggogo hamu manaluhon sada kota, ulang tabai hamu angka bona ni suan-suananna, haru pe angkon maradu lolot ari-ari na manghobuk i. Pangan hamu ma batu ni suan-suanan i, tapi ulang segoi hamu bonana i, angke nada dohot musu anggo suan-suanan i.

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

HARURUAR 23:32

Ulang baen hamu partahian sanga aha pe dohot halak i sanga dohot angka debata ni halahi.

PANGARATAION 18:9

“Muda masuk hamu tu tano na nilehen ni Tuhan Debatamunu i tu hamu, ulang antong tiru hamu angka pangalaho hagigian na nibaen ni angka bangso na adong disi.