PANGARATAION 2:4 - BIBEL JAMITA NA DENGGAN

⁴ Dung i disuru Tuhan ma au mangalehen sitiopan ni roha di hamu songon on, ‘Nada sadia honok nari masuhanmunu ma tano partoran Edom, luat ni angka kahanggimunu pomparan ni si Esau. Mabiar ma halahi tu hamu, tapi angkon marjaga-jaga do hamu.

PANGARATAION 2:4 Referans Kwoze

PANGARATAION 23:7

Ulang pabile hamu halak Edom, dibaen kahanggimunu do halahi. Jana ulang muse layas rohamunu mida halak Mesir, dibaen jungada do hamu maringanan di tano ni halahi.

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

PAMUNGKAAN 36:8

Jadi torus noma si Esau maringanan di luat Dolok Edom.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

PANGARATAION 2:3

bahaso na dung tuk ma honokna hita na madang-adangi di luat partoran i. Jadi angkon kehe ma hita tu Utara.