PANGARATAION 2:24 - BIBEL JAMITA NA DENGGAN

²⁴ “Dung tasalpui Moab, didok Tuhan ma tu hita, ‘Kehe ma ne manaripari Batang aek Arnon. PasahatonKu ma tu ho si Sihon raja ni halak Amori na mamarenta di Hesbon, maradu luatna i. Porangi ma i, lalu ingani tanona i.

PANGARATAION 2:24 Referans Kwoze

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

JEHESKIEL 29:20

Hulehen tano Mesir tusia songon garar ni angka pambaenannia, dibaen madung karejo tentarania i tu haporluanKu. Au Tuhan Debata madung mandok songon i.

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

2 JUJUR TAON 36:23

“On ma parenta ni si Kores, raja ni Persia! Madung dibaen Tuhan, Debata na markuaso di banua ginjang au gabe raja di portibi on sudena, jana disuru Ia do au laho mambangun bagas diSia di Jerusalem na di Luat Juda. Jadi, saonnari hamu sudena anggota ni bangso ni Debata, angkon mulak hamu tusi! Sai didongani Tuhan Debatamunu i ma hamu.”

JOSUA 6:16

Di na papitu nolihon i, disi dipalu angka malim sarunena i, dibaen si Josua ma parentana tu sude parangan i anso marsurak. Didok si Josua ma, “Madung dipasahat Tuhan kota on tu hamu!

PANGARATAION 2:36

Dipadiar Tuhan Debata do hita mangarampas kota i sudena, mamungka sian Aroer, di topi ni Batang aek Arnon, dohot kota na di tonga ni rura i, di sude dalan na tu Gilead. Nada adong kota na matogutu tembokna di hita.

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

BILANGAN 21:12

Dung sian i, marbandar halahi di Rura Zered.