PANGARATAION 19:6 - BIBEL JAMITA NA DENGGAN

⁶ Sugari sura hum sada kota sajo, betak madaotu antarana i tusi, gabe sanga koum sisolkot na martanggung jawab laho mamalos parmatena i ro mangkojarsa jana di hatiha parpiar ni murukna dibunusa halak na so marsala i. Hape nian nada na sangajo ia mamunu halak na so musunia i hian.

PANGARATAION 19:6 Referans Kwoze

BILANGAN 35:12

Di angka kota na songon i aman halahi, malua sian hosom ni sisolkot ni na tarbunu i. Angke halak na hona tuhas mamunu jolma, nada tola uhumon mate i taran so dipareso parkarona di pangadilan.

2 SAMUEL 14:7

Jana saonnari gabe sude ma koum sisolkotku mangalo au jana marsituntut anso hupasahat anakki tu halahi anso bolas matehonon ni halahi, hara ni na dung dibunu ia angginia i. Muda baenon ni halahi ma songon i, gabe mamunjung noma sasada au, so adong be sada anak pe. Soadahonon ni halahi ma arop ni rohangku na sasada i jana nada adong be anak halaklahi na tinggal di halaklahingku laho patoruskon pomparannia.”

JOSUA 20:5

Muda dikojar na giot palalu hosom i ia lalu tusi, nada tola lehenon ni halak kota i ia tu halak na giot palalu hosom i. Angkon jagoon ni halahi do ia, angke sian na so disangajonia do mamunu jolma, jana nada hara ni na goyak ni rohania marnida halakna i.

PANGARATAION 21:22

“Muda adong sada halak na mate hona uhum hara ni hajahatanna, jana digantung bangkena i di tiang panggantunganna,

PANGARATAION 19:5

Rupani, adong ma dua halak na rap kehe tu harangan martaba hayu. Di na martaba na sahalak, taldus ma mata ni patonia i sian suhulna i jana hona tu na sahalak nari gabe mate. Jadi tarbaen na mamunu sian na so sangajo i ma marlojong tu sada sian kota haporusan na tolu i anso malua ia.

PANGARATAION 19:7

I ma dalanna umbaen na huparentahon hamu laho paindingkon tolu kota.