PANGARATAION 19:20 - BIBEL JAMITA NA DENGGAN

²⁰ Begeon ni ganop halak ma na masa i jana gabe mabiar be ma. Jadi gabe nada adong be halak na puluk mambaen hajahatan na songon i.

PANGARATAION 19:20 Referans Kwoze

PANGARATAION 21:21

Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”

PANGARATAION 17:13

Ganop halak na umbege taringot tu na masa i tontu gabe mabiar, gabe nada adong be halak na asing na puluk mambaen na songon i.”

PANGARATAION 13:11

Jadi gabe habegean ma taringot tu na masa i di sude bangso Israel; mabiar ma halahi gabe nada adong sahalak pe na puluk be mambaen na songon i jahatna.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

PODA 21:11

Muda hona uhum halak na sombong, dapotan pangajaran do halak na so marpangalaman. Muda hona ajar halak na marroha, gabe dapotan parbinotoan ma ia.

PANGARATAION 17:7

Angkon saksi-saksi i do parjolo mandanggurkon batu tu halakna i, siihutkonon ni halak na asing. Songon i ma baenonmunu laho mangantak hajahatan i.

PANGARATAION 13:12

Muda sanoli on diingani hamu angka kota na nilehen ni Tuhan Debatamunu i di hamu, ra do sar barita