PANGARATAION 18:2 - BIBEL JAMITA NA DENGGAN

² Nada tola marnampuna halahi di tano, songon angka marga na asing; hasangapan ni na gabe malim ni Tuhan do bagian ni halahi songon na dung dijanjihon Tuhan humani.

PANGARATAION 18:2 Referans Kwoze

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

ANDUNG 3:24

Hum Tuhan sajo do na adong di au, tuSia sajo do hupapos rohangku.

JESAYA 61:6

Gonan ma hamu gabe naposo ni Debatanta jana digoaran angka malim ni Tuhan. Hamu noma nampuna arta ni angka bangso, jana pakeonmunu ma i manggodang diri.

MASMUR 119:57

Hum Ho sajo do por ni rohangku, ale Tuhan, marjanji do au mandalankon pangajaranMu.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

BILANGAN 18:20

Didok Tuhan muse tu si Harun, “Nada adong lehenon di hamu bagi aha tean-teanan. Sabagian tano pe nada adong di luat na Hujanjihon i nada adong ho puna. Au do Tuhan, Au do bagian siteanonmu.”

PANGARATAION 10:9

I ma dalanna nada manjagit tano Marga Levi songon angka marga na asing; hasangapan do na nijagit ni halahi anso gabe malim ni Tuhan songon na nijanjihon ni Debata.)

JOSUA 13:14

Anggo Marga Levi nada manjagit tano parbagian sian si Musa. Madung didokkon Tuhan humani tu si Musa, anggo bagian ni Marga Levi, i ma na sian haul na nitutung di langgatan baen di Tuhan Debata ni Israel.

JEHESKIEL 44:28

Dijagit angka malim i do jabatan hamalimon i gabe songon bagian ni halahi sian na Hulehen tu Israel marsundut-sundut.