PANGARATAION 18:12 - BIBEL JAMITA NA DENGGAN

¹² Dihagigihon Tuhan Debatamunu do halak na mambaen pangalaho na jahat i, jana hara ni i do umbaen na nipaorotNia angka bangso sian jolomunu.

PANGARATAION 18:12 Referans Kwoze

HAMALIMON 18:24

Ulang pahodar dirimu hara ni angka pangalaho na songon i, angke songon i do halak parbegu mambaen ramun dirina, i ma halak na maringanan di Kanaan taran so hamu. Hara ni i ma dibaen dipakehe Tuhan halahi, anso taringani hamu luat i.

PANGARATAION 9:4

Dung dipaorot Tuhan Debatamunu i halahi hara ni hamu, ulang dokkon hamu muse tu dirimunu sandiri, dioban Ia pe hamu tusi anso hamu nampuna tano i, hara ni na burju hamu jana dipatulus hamu hagiot ni Tuhan gabe patut ma hamu manjagitsa. Nada songon i! Dipaorot Tuhan pe angka bangso i di hamu, hara ni na jahat do halahi.

HAMALIMON 18:25

Dibaen madung dikarejohon halahi sude angka karejo hagigian i, gabe ramun ma tano i. Gabe diuhum Tuhan ma halahi, nada diloas be halahi maringanan disi. Tapi anggo hamu, ulang ma karejohon hamu angka karejo na songon i. Sude hamu halak Israel dohot halak na leban na tinggal rap dohot hamu, angkon karejohononmunu do sude aturan ni Tuhan,

PANGARATAION 14:27

Ulang padiar hamu malarat halak Levi na maringanan di angka hutamunu; ingot hamu na so adong do tano ni halahi sandiri.

JEHESKIEL 31:11

Jadi na dung Hutulak do ia jana pasahatonKu ma ia tu halak na asing, na mambaen tusia hombar tu hajahatan na nibaennia.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

PANGARATAION 22:5

Angka dadaboru, ulang ma mamake pakean songon pakean ni halaklahi, jana halaklahi ulang ma marpakean songon pakean ni dadaboru, angke goyak do roha ni Tuhan Debatamu di halak na mambaen songon i.

2 RAJA-RAJA 23:24

Laho patuluskon angka tona na tarsurat di buku na dapot ni Malim Godang Hilkia di Bagas Ni Debata i, dipaorot Raja Josia ma sian Jerusalem dohot sude Juda sanga ise na marpio sumangot dohot partondung, jana diambungkon sude debata ni rumahtangga, gana-ganaan dohot barang-barang na nipake laho mamele angka debata.