PANGARATAION 17:18 - BIBEL JAMITA NA DENGGAN

¹⁸ Muda adong sada halak na diangkat gabe raja, angkon lehenon do tusia sada buku na marisi angka aturan dohot pangajaran ni Debata na nisurat sian buku na asli na nisimpan ni angka Malim Levi.

PANGARATAION 17:18 Referans Kwoze

2 RAJA-RAJA 11:12

Dung i dioban si Joyada ma si Joas tu ruar, mamake tuku di uluna i, jana dilehen ia tu si Joas tona ni Debata. Diangkat ma si Joas gabe raja jana dibaen ma boa-boana tu rayat. Martopapi ma rayat jana marsurahi, “Horas ma di raja i!”

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

2 JUJUR TAON 34:15

Didok si Hilkia ma tu si Safan, “Dapot au Buku Tona Ni Tuhan di Bagas Ni Tuhan.” Lalu dilehen ia ma buku i tu si Safan,

2 RAJA-RAJA 22:8

Dipalalu si Safan ma na niparentahon ni raja i tu si Hilkia, lalu dicaritohon si Hilkia ma tu si Safan, na dapotnia di Bagas Ni Debata buku ni angka Tona Ni Tuhan. Dilehen si Hilkia ma buku i tu si Safan jana disise si Safan ma i.

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

JOSUA 1:8

Parrohahon ma denggan anso sai tongtong disise buku niuhum i ganop maribadat hamu. Parsiajari ma buku i arian dohot borngin jana dalankon ma sude na tarsurat di bagasan buku i ulang parlayas. Muda dipatulus ho sudena i, sonang ma ngolumu jana maruntung.