PANGARATAION 16:21 - BIBEL JAMITA NA DENGGAN

²¹ Muda mambaen sada langgatan hamu di Tuhan Debatamunu, ulang baen hamu di lambungna i patung hayu ni Debata Asera,

PANGARATAION 16:21 Referans Kwoze

2 JUJUR TAON 33:3

Dibangun ia do mangulahi angka inganan parsombaan ni gana-ganaan na dung dironcohon ni si Hiskia amangnia i. Dibangun ia ma angka langgatan laho maribadat tu Baal, jana dibaen ia angka patung ni Debata Asera, jana disomba ia angka bintang.

2 RAJA-RAJA 17:16

Dilaosi halahi do sude Tona Ni Tuhan, Debata ni halahi jana dibaen halahi do dua lombu logam sisombaon ni halahi. Dibaen halahi ma gana-ganaan ni Debata Asera, disomba halahi angka binatang jana marsomba halahi tu Debata Baal.

2 RAJA-RAJA 21:3

Angka inganan pamelean ni gana-ganaan na dung disegohon ni amangnia si Hiskia, dipajongjong ia mangulahi. Dipajongjong ia angka langgatan anso marsomba tu Baal, jana dipambaeni ia angka patung ni Dewi Asera, songon na nibaen ni si Ahab raja ni Israel i. Laing disomba si Manase muse do angka bintang.

HARURUAR 34:13

Sabalikna do, angkon rumpakkononmunu angka langgatan ni halahi angka tugu ni gana-ganaan ni halahi be tabaonmunu do.

1 RAJA-RAJA 16:33

Laing dibaen ia muse sada patung ni Dewi Asera. Dipambaeni ia do angka dosa na jumorbut sian na nibaen ni sude raja ni Israel na mamarenta di jolonia. Dipasunggul-sunggul ia do muruk ni Tuhan, Debata na nisomba ni halak Israel.

1 RAJA-RAJA 14:15

Uhumon ni Tuhan ma Israel lopus marlapat-lapat songon arung na di batang aek. Buaton ni Tuhan ma halak Israel sian luat na denggan on na nilehenNa tu ompu ni halahi. Sarsarkonon ni Tuhan ma halahi di ipar ni Batang aek Efrat, hara ni na nipagilap-gilap ni halahi muruk ni rohaNia di na nibaen ni halahi angka patung ni debata boru-boru Asera.

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.

PANGARATAION 7:5

Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.

HAMALIMON 26:1

Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

2 RAJA-RAJA 21:7

Dibaen ia do gambar ni Dewi Asera di Bagas Ni Debata, hape nian anggo inganan i madung didok Tuhan tu si Daud dohot si Salomo anak ni si Daud i, “Di bagasan bagasKu na di Jerusalem on, na dung Hutodo sian luat na dua bolas sian angka marga ni Israel, angkon dison ma bangsongKu maribadat tu Au.