PANGARATAION 14:8 - BIBEL JAMITA NA DENGGAN

⁸ Ulang pangan hamu babi. Angkon etongon do binatang i haram, angke haru marbola pe sisilonna hape nada manjampal. Nada tola panganon binatang i, salang bangkena pe nada tola jamaon.

PANGARATAION 14:8 Referans Kwoze

2 PETRUS 2:22

Sude na nibaen ni halahi tudos do tu pandohan on, “Mulak do anjing mangan uta-utana,” dohot, “Mulak marluntak do babi diparguluanna.”

JESAYA 66:17

Didok Tuhan, “Madung donok hatiha panguhumna di halak na paiaskon dirina dohot na mudur-udur tu kobun ni angka debata laho marsomba. Madung singkop uhumanKu di angka halak na giot mangan juhut babi, monci dohot sipanganon na asing i na mambaen magigi.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JESAYA 65:4

Borngin-borngin kehe halahi tu angka liang dohot kuburan laho mangido sipaingot ni angka sumangot. Mangan juhut babi halahi jana diinumi halahi kua ni juhut sian sipanganon na dipelehon tu angka debata.

HAMALIMON 5:2

Muda gabe hodar do sada halak hara ni na dais ia tu na hodar, umpamana bangke ni binatang, tapi nada diboto ia karejonia i, halak na hodar do ia, jana marsala.

PANGARATAION 14:7

Anggo binatang na so marbola dua sisilonna jana nada manjampal, nada tola panganon. Ulang pangan hamu unto, kelinci sanga marmut. Angkon etongon do binatang i haram, angke haru pe manjampal tapi nada marbola sisilonna.

PANGARATAION 14:9

Sandok ihan na marhapi-hapi jana na marsisik tola do panganon.