PANGARATAION 14:26 - BIBEL JAMITA NA DENGGAN

²⁶ Tobusi hamu ma disi sanga aha por ni rohamunu – juhut ni lombu, biri-biri, anggur, dohot siinumon na mambaen mabuk – laing di inganan i di adopan ni Tuhan, angkon marsonang-sonang do hamu mangan dohot pangisi ni bagasmunu.

PANGARATAION 14:26 Referans Kwoze

MATEUS 21:12

Dung i masuk ma Jesus tu alaman ni Bagas Ni Debata. Dipaorot Ia ma sude angka na marjagal disi. Diparbalikkon Ia ma sude meja ni angka panukar hepeng dohot bangku-bangku ni parjagal darapati.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

MASMUR 106:14

Dirajai hagiotna halahi di padang halongonan, lopus diuji halahi di inganan i, Ho sandiri ale Debata.

PANGARATAION 26:11

Dokkon ma tarimakasi hara ni sude rasoki na nilehen ni Tuhan Debatamu di ho dohot di dongan sabagasmu. Laing piohon ma halak Levi dohot halak sileban na maringanan di tonga-tongamunu anso dohot di pesta i.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

1 KORINTUS 10:6

Gabe tiruan do i sude di hita, laho paingotkon hita anso ulang sai tahagioti be angka pangalaho na jat songon na nibaen ni halahi i.

MARKUS 11:15

Jadi lalu ma halahi tu Jerusalem. Masuk ma Jesus tu Bagas Ni Debata. Dipaorot Ia ma disi angka halak na marjagal di inganan i. Angka meja ni panukar-nukar hepeng dohot angka bangku-bangku ni parjagal darapati dipartunggalingkon Ia sude.

ESRA 7:22

lopus songon on bahatna: perak lopus 3.400 kg, gandum lopus 10.000 kg, anggur lopus 2.000 liter, miak zetun lopus 2.000 liter, dohot sira sanga sadia bahat na porlu.

PANGARATAION 12:15

Tapi anggo manyambol pahan-pahananmunu hamu dohot mangankon juhutna i tola do sanga na di dia ingananmunu. Tola do panganonmunu sabahat ni na nilehen ni Tuhan di hamu. Hamu sude, na ias dohot na so ias mangihutkon aturan ni ugamo, tola do mangankon juhut i, tudos songon na mangankon juhut ni hije sanga ursa.

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 12:18

Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

PANGARATAION 14:25

gadis hamu ma na saparsampulu ni suhana i jana oban hamu ma hepengna i tu inganan paribadatan i.