PANGARATAION 13:6 - BIBEL JAMITA NA DENGGAN

⁶ Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 13:6 Referans Kwoze

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

PODA 18:24

Adong do dongan na so setia, adong muse do na rumosu sian kahangginiba.

HALUMBAAN 20:3

Dung i diambungkon surusuruan i ma naga i tu rura hamatean, dikunci ia ma rura i jana dicap ia anso ulang tarbaen naga i be paoto-otohon angka bangso salolot so abis na saribu taon i. Dung salpu i, paluaon dope ia santongkin.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

1 SAMUEL 20:17

Jadi paduanolihon ma disuru si Jonatan marjanji si Daud anso manghaholongi ia, angke holong ni rohania tu si Daud dos do dohot tu dirinia sandiri.

1 SAMUEL 18:3

Jadi disumpahon si Jonatan ma angkon marale-ale dohot si Daud salolot-lolotna, hara ni holong ni rohania di si Daud.

1 SAMUEL 18:1

Dung sidung si Saul dohot si Daud na manghobar-hobari i, lohot ma roha ni Jonatan tu si Daud, lalu holong ma rohania tu si Daud songon dirinia sandiri.

PANGARATAION 29:18

Jadi, jago ma hamu, anso ulang jabat adong sahalak pe sian tonga-tongamunu, halaklahi sanga dadaboru, marsasaripe sanga marga na jongjong dison na marbalik sian Tuhan Debatanta laho marsomba tu angka debata ni bangso na asing i. Tudos do pangalaho na songon i tu urat na tubu gabe suan-suanan na paet boti halalango.

PANGARATAION 28:54

Salang anak na mora parroha na dumenggan pe, songon i ma arsak ni rohana salolot na hona hobuk i, lopus panganonna deba sian anakna sandiri hara ni na so adong be panganon na asing.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

KOLOSSE 2:4

Hupaboa pe i tu hamu, anso ulang adong do sanga ise na paoto-otohon hamu dohot hata na tabo begeonmunu.

GALATIA 2:4

haru pe bahat angka pangalancap na marsuru ia mambaen songon i. Angka halak na manyisip-nyisipi do i tu hita jana dipaula-ula halahi ma songon na donganta halahi. Disisipi halahi ma masuk tu hita laho manangkasi sanga na bia pangalaho ni haluaan na adong di hita hara ni hasadaonta dohot Kristus Jesus. Na giot paulakkon hita do halahi tu pangalaho na parjolo, i ma na gabe hatoban muse,

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

JOB 31:27

Nada unjung tartarik rohangku tusi, sanga pe huumma tanganku giot mamparsangapi.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

HAKIM-HAKIM 5:8

Di na marsomba Israel tu debata na asing, porang pe mapultak, nada adong na marsinjata sian na opat pulu ribu halak.

HAKIM-HAKIM 2:13

Nada marsomba tu Tuhan be halahi, tapi marsomba tu Baal dohot Astoret noma halahi.

PAMUNGKAAN 16:5

Jadi didok si Sarai ma tu si Abram, “Madung hulehen si Hagar pakeonmu, jana mamungka diboto ia na dung denggan pamatangnia layas ma rohania mida au. Ho do na sala disi. Sai Tuhan ma na paujungkon parkaro on antara ho dohot au.”

PODA 5:20

Ale anakku, biasi ma dilehen ho holong ni rohamu tu dadaboru na asing, biasi ma pola jopan rohamu di hajegeson ni dadaboru na asing?

2 SAMUEL 1:26

O Jonatan, ale-alengku, hancit ate-atengku, angke na arga situtu do ho di au. Holong ni rohamu lumobi surungna tu au, umbagas dope i sian holong ni roha ni dadaboru.

PANGARATAION 13:2

na martujuan anso marsomba hamu sanga mangoloi tu angka debata na so nisombamunu humani hatiha na salpu, haru pe tutu-situtu tarjadi na nijanjihonnia i,

PANGARATAION 13:7

angka debata ni bangso-bangso na donok dohot na dao,

2 JUJUR TAON 15:13

Sanga ise na matobang sanga na poso, halaklahi sanga na dadaboru pe jadi, na so marsomba tu Tuhan pasti mate hona uhum.

2 JUJUR TAON 23:17

Disaroso halahi sude ma bagas parsombaan ni Baal lalu dirumpakkon halahi; langgatan dohot angka patungna i dilantuk halahi dohot si Matan, malim ni Baal i pe dibunu di jolo ni angka langgatan i.

JEREMIA 44:3

Patunda ni dosa ni halak na maringanan di angka kota i do umbaen na muruk Au. Dipelehon halahi haul jana marsomba halahi tu angka debata na so unjung hian dope disomba halahi sandiri, bope hamu sanga ompungmunu.

ZAKARIA 13:3

Jana betak sai adong dope antong jolma na mandok, na palaluhon tonangKu ia, amangnia sandiri dohot inangnia mandok tusia angkon marutang hosa ia niuhuman, angke gabus do na nidoknia i. Muda laing dipupu ia do mandok panurirang ia, tihamon ni amang dohot inangnia sandiri noma ia lopus mate.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 32:27

Didok ia ma tu halahi, “Pandok ni Tuhan, Debata ni Israel, parbobatkon hamu ma podangmunu jana mardalani ma hamu pahae pahulu mamolus parbandaran i sian horbangan na sada tu horbangan na sada nari, jana bunu ma ganop halak, angka kahanggimunu, ale-alemunu dohot tetanggamunu.”

PANGARATAION 8:14

jamot ma hamu anso ulang gabe manyombong hamu jana lupa tu Tuhan Debatamunu na dung paluahon hamu sian Mesir, ingananmunu diparhatoban.

PANGARATAION 11:32

jadi sai oloi hamu ma sude aturan na hulehen tu hamu di ari sadari on.”

PANGARATAION 17:12

Sanga ise na puluk mangalo panguhum, sanga malim na topet markarejo, angkon mate niuhuman, jadi songon i ma baenonmunu mansoadahon hajahatan i sian Israel.

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 19:19

angkon daion ni halakna i ma uhuman na patut sihonahonon tu na dipasala i. Songon i ma baenonmunu laho mangantak hajahatan i.

PANGARATAION 21:21

Jadi angkon dangguran ni halaklahi na sakota i ma dakdanak i dohot batu lopus mate. Jadi songon i ma dalanna baenonmunu mangagohon hajahatan i. Begeon ni sandok jolma na di Israel ma na masa i, jana gabe mabiar be ma.”

PANGARATAION 22:21

jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.

PANGARATAION 24:7

Muda adong sada halak na manangko sanga ise dongan sabangsona, lalu dibaen ia gabe hatobanna sanga digadis ia songon hatoban, angkon mate niuhuman do sitangko jolma i. Songon i ma dalanna baenonmunu laho mangagohon hajahatan i sian tonga-tongamunu.

JOSUA 7:13

Saonnari jongjong ma ho Josua! Paias ma halak Israel jana suru ma halahi hobas laho mangadop tu Au. Parentahon ma halahi anso markobas-hobas ancogot, harana Au Tuhan Debata ni Israel, giot mandok tu halahi songon on: ‘O hamu angka halak Israel! Angka barang-barang na dung Huparentahon tu hamu angkon dironcohon, adong deba di hamu. Painte so diambungkon hamu angka barang-barang i, nada tarbaen hamu martahan mangalo musu i!’

HAKIM-HAKIM 20:13

Pasahat hamu ma angka jolma na jorngang na sian Gibea i tu hami anso hami bunu halahi jana songon i ma anso mago hajahatan i sian tonga-tonga ni halak Israel.” Hapengani umpe diterge angka halak Benyamin hata ni halak Israel na asing i.

1 RAJA-RAJA 18:40

Jadi didok si Elia ma, “Tangkup hamu ma angka panurirang ni Baal i; sahalak pe ulang paloas hamu malua!” Manigor ditangkupi halak na bahat i ma angka panurirang ni Baal i sude, dung i dioban si Elia ma halahi tu Batang aek Kison jana disi ma halahi sudena dibunu.

2 RAJA-RAJA 11:18

Dung i masuk ma rayat i laho mangarumpakkon parkaulan ni Baal; disegohon ma sude langgatanna dohot angka patungna jana dibunu ma si Matan malim ni Baal i di jolo ni angka langgatan i. Disuru si Joyada ma pangawal na manjago Bagas Ni Debata.

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

JEREMIA 28:16

Hara ni i pandok ni Tuhan sandiri, limpotkonon noma ho sian sisik ni tano on. Laing di bagasan taon on mate noma ho, angke madung disuru ho bangso on mangalo tu Tuhan.”