PANGARATAION 12:9 - BIBEL JAMITA NA DENGGAN

⁹ dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

PANGARATAION 12:9 Referans Kwoze

1 RAJA-RAJA 8:56

“Pinuji ma Tuhan na dung mangalehen hasonangan tu bangsoNa songon na dung dijanjihonNia marhite si Musa naposoNa i. Sude janji i denggan do jana madung dipatulus Ia.

MASMUR 95:11

Gabe marsumpa Au di bagasan murukKu, nada masuhan ni halahi tano i laho maradian rap dohot Au.”

PANGARATAION 25:19

Jadi hara ni i, muda dung dilehen Tuhan Debatamunu tano i tu hamu, jana dung aman hamu sian sasude musu na maringanan humaliang hamu, angkon bunuonmunu do sude halak Amalek i lopus nada ingoton ni sanga ise be halahi. Ulang hamu lupa disi!”

MIKA 2:10

Jongjong ma hamu jana morot; nada aman be dison. Gabe ro ma parmaraan, hasegoan tu inganan on hara ni angka dosamunu i.

1 JUJUR TAON 23:25

Didok si Daud ma, “Aman do dibaen Tuhan Debata ni Israel ngolu ni bangsoNia, jana maringanan di Jerusalem do Ia sandiri salolot-lolotna.

PANGARATAION 3:20

Urupi hamu ma dongan sabangsomunu lopus taringani halahi tano na giot silehenon ni Tuhan di halahi di Hasundutan ni Batang aek Jordan jana lopus tumbuk di roha ni Tuhan sonang ngolu ni halahi, songon na dung dibaenNia tu hamu dison. Dung salpu i tola ma hamu mulak tu tano na dung hupasahat on tu hamu.’

PANGARATAION 4:21

Patunda ni hamu ma muruk Tuhan Debatamunu i tu au jana disumpahon Ia anggo au na so jadi manaripari Batang aek Jordan laho mamasuhi tano napu na giot silehenonNia tu hamu.

PANGARATAION 12:8

Muda dung dapot hatiha i, ulang be baen hamu songon na saonnari. Lopus saonnari sude hamu marroha-roha dope na maribadat i,

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JEREMIA 31:2

Hupatuduhon holong ni rohangKu di padang halongonan tu halahi na dung malua sian hamatean. Dompak na manjalahi hademahan Israel,