PANGARATAION 12:3 - BIBEL JAMITA NA DENGGAN

³ Parrumpakkon hamu ma angka langgatan ni halahi jana ropuhi hamu angka tiang batu na nietong ni halahi keramat. Tutungi hamu ma angka na manggambarkon Asera debata ni halahi jana sarsarkon hamu ma angka patung ni halahi, lopus nada tarbaen be marsomba tu barang-barang i di inganan i.

PANGARATAION 12:3 Referans Kwoze

HAKIM-HAKIM 2:2

Hara ni i, nada tola hamu mambaen sanga aha ihot-ihot dohot halak na mangingani luat on. Angkon rumpakkononmunu do angka langgatan ni halahi i.’ Hape nada dibaen hamu sanga aha na Huparentahon i. Mur sabalikna do tehe dibaen hamu!

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

MASMUR 16:4

Halak na manyomba debata sileban parohon mara tu dirina sandiri. Nada ra au marhaul tu debata sileban, bope hum mandok goar ni halahi.

PANGARATAION 7:5

Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

HALUMBAAN 13:1

Dung i huida ma sada binatang ruar sian laut. Adong do sampulu tandukna jana pitu uluna. Adong muse ma tuku sada be di uluna i jana tarsurat ma di uluna i sude sada goar pangincahion.

MIKA 5:14

Di bagasan panggasa-gasa ni murukKu, baloskononKu ma hajahatan ni sandok bangso na so marpangoloion tu Au.”

HOSEA 2:17

Dung i padaoonKu ma goar ni angka Baal sian pamanganmu gabe nada dokkonon be goar ni halahi.

JEREMIA 17:2

Marsomba angka halakmu di angka langgatan dohot angka tiang gana-ganaan na dipajongjong di Debata Boru-boru Asera, di sandok hayu na rumbun, di puncu ni angka dolok,

2 JUJUR TAON 34:3

Dung salapan taon ia gabe raja, dompak bajar dope ia, mamungka ma si Josia marsomba Debata na nisomba ni Raja Daud ompunia i. Dung opat taon mamungka ma dironcohon ia angka inganan parsombaan ni gana-ganaan, angka patung ni Debata Asera, dohot angka gana-ganaan na asing.

2 JUJUR TAON 31:1

Dung sidung pesta i, kehe ma sude rayat i tu ganop kota na di Juda, lalu diropuk halahi ma angka tugu ni gana-ganaan, diparumpakkon halahi ma angka patung na dipajongjong di Debata Asera jana diabiskon ma angka langgatan maradu angka inganan pamelean tu gana-ganaan. Laing dibaen halahi ma songon i di angka kota na asing di Juda dohot di Luat Benyamin, Efraim dohot Manase. Dung i marmulahan ma halahi sude tu ingananna be.

2 JUJUR TAON 19:3

Haru songon i pe, laing adong do nian na denggan di raja i. Dipaduru raja i do sude patung ni Debata Asera na nisomba ni rayat i jana diusahahon raja i do laho mangihutkon hagiot ni Debata.”

2 RAJA-RAJA 23:14

Angka tugu ni debata dohot patung ni debata boru-boru Asera, dirunggangkon jana angka tano hajongjongan ni angka tugu dohot patung i, ditimbun ma tusi angka holi-holi ni jolma.

2 RAJA-RAJA 18:4

Angka inganan pamelean ni gana-ganaan, disegohon ia; angka tugu ni debata dirumpakkon ia, jana angka patung ni debata boru-boru Asera ditaporkon ia. Laing disegohon si Hiskia muse do ulok tumbaga na nibaen ni si Musa, na margoar Nehustan. Harana lopus tu hatiha i laing ditutung halak dope hamonyan laho mamparsangapi ulok tumbaga i.

1 RAJA-RAJA 15:13

Ompungnia si Maaka diparadiankon ia sian jabatanna songon Ina Na Mora i, hara ni na nibaennia patung gana-ganaan na jorbut idaon laho manyomba Asera, dewi ni hagabean. Di rumpakkon si Asa ma gana-ganaan i jana ditutung ia di Rura Kidron.

2 JUJUR TAON 14:3

Disingkirkon ia do angka langgatan ni bangso na asing dohot angka inganan parsombaan ni gana-ganaan. Disarsarkon ia do angka tugu ni debata jana diparrumpakkon ia do angka tiang ni Debata Asera.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HARURUAR 34:13

Sabalikna do, angkon rumpakkononmunu angka langgatan ni halahi angka tugu ni gana-ganaan ni halahi be tabaonmunu do.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

PANGARATAION 12:4

Muda marsomba hamu tu Tuhan Debatamunu i, ulang tiru-tiru hamu pambaen ni halahi di na mamele angka debata ni halahi.

1 RAJA-RAJA 14:15

Uhumon ni Tuhan ma Israel lopus marlapat-lapat songon arung na di batang aek. Buaton ni Tuhan ma halak Israel sian luat na denggan on na nilehenNa tu ompu ni halahi. Sarsarkonon ni Tuhan ma halahi di ipar ni Batang aek Efrat, hara ni na nipagilap-gilap ni halahi muruk ni rohaNia di na nibaen ni halahi angka patung ni debata boru-boru Asera.

2 RAJA-RAJA 11:18

Dung i masuk ma rayat i laho mangarumpakkon parkaulan ni Baal; disegohon ma sude langgatanna dohot angka patungna jana dibunu ma si Matan malim ni Baal i di jolo ni angka langgatan i. Disuru si Joyada ma pangawal na manjago Bagas Ni Debata.

JESAYA 27:9

Tapi anggo dosa ni Israel hum sada do dalanna anso tarsesa i, i ma muda digiling lamot songon soda angka langgatan parsombaan tu angka debata. Sandok panutungan ni hamonyan dohot tiang gana-ganaan Debata Asera angkon nisarsarkon muse.

2 JUJUR TAON 14:2

Pasonang roha ni Tuhan Debatana do si Asa marhite na patuluskon na tigor dohot na denggan.