PANGARATAION 11:9 - BIBEL JAMITA NA DENGGAN

⁹ Jana lolot muse ma hamu mangolu di tano na mora boti na napu i na dung dijanjihon Tuhan tu ompumunu dohot tu pomparan ni halahi.

PANGARATAION 11:9 Referans Kwoze

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

PODA 10:27

Pasangap ma Tuhan, anso lolot ho mangolu; anggo halak na jahat mate do painte so dapot hatihana.

PODA 9:11

Lehenon ni habisuhon do di ho umur na ginjang.

PODA 3:16

Dilehen habisuhon do di ho umur na ginjang, sinadongan dohot hasangapan.

PODA 3:2

anso ginjang umurmu jana sonang ngolumu.

PANGARATAION 6:18

Sanga aha na denggan dohot na tutu di Tuhan, i ma baen, jadi gabe sonang ma ho. Gabe hamu ma nampuna tano napu na dung dijanjihon Tuhan tu ompu na umpompar ho,

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 8:7

Obanon ni Tuhan Debatamunu ma hamu tu sada tano na napu, sada luat na gok batang aek dohot mualna, maradu aek na marponot na marbuldak tu angka rura dohot angka tor;

PANGARATAION 11:10

Nada songon tano Mesir ingananmunu najolo i anggo tano na giot siingananmunu i. Anggo disi angkon maradu gogo do hamu karejo laho mangaehi angka ladang, muda laho manyabur same;

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

PANGARATAION 11:21

Jadi gabe siginjang umur ma hamu dohot angka dakdanakmunu di tano na dung nijanjihon ni Tuhan Debatamunu tu ompumunu. Salolot adong tano on laing disi ma hamu maringanan.