PANGARATAION 10:22 - BIBEL JAMITA NA DENGGAN

²² Di na kehe ompumunu tu Mesir, hum pitu pulu halak do bahat ni halahi. Hape dibaen Tuhan Debatamunu do bahat ni bilangan ni halahi sabahat ni angka bintang na di langit i.”

PANGARATAION 10:22 Referans Kwoze

PAMUNGKAAN 46:27

Dua dakdanak ni si Josep na sorang di Mesir; gabe pungu ma sude pomparan ni si Jakob na lalu tu Mesir pitu pulu halak.

HARURUAR 1:5

Bilangan ni pomparan ni si Jakob i sude adong do pitu pulu halak. Si Josep madung parjolo maringanan di Mesir.

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

NEHEMIA 9:23

Dijadihon Ho do pomparan ni halahi, sabahat ni angka bintang na di langit i. Dilehen Ho do tano di halahi baen siingananna, tano na nijanjihonMu tu angka ompuna.

PANGARATAION 28:62

Haru pe na dung sabahat ni bintang na di langit bilanganmunu, hum saotik sajo noma na tinggal mangolu, hara ni na so mangoloi hamu tu Tuhan Debatamunu.

BAENON NI ANGKA RASUL 7:14

Dung i disuru alap si Josep ma amangnia si Jakob dohot sude horongnia anso bungkas tu tano Mesir – pitu pulu lima halak ma halahi sudena.

BILANGAN 26:51

Bahat ni halaklahi di sude halak Israel 601.730 halak.

IBRANI 11:12

Haru pe di hatiha i songon na so adong be idaon same na mangolu sian si Abraham, hape hum sian ia sandiri sajo do martubuan bahat pomparannia, na so taretong bahatna – songon bahat ni bintang na di langit dohot horsik na di topi ni laut.

BILANGAN 26:62

Bahat ni anak halaklahi sian Marga Levi na marumur sabulan sanga lobi adong do 23.000 halak. Asing do halahi disuratkon sian halak Israel i, angke nada dilehen di halahi tano siteanon ni Israel i.

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.

PAMUNGKAAN 46:26

Onom pulu onom halak ma sude pomparan ni si Jakob na kehe tu Mesir, nada dietong dope disi angka ripe ni dakdanaknia.

PANGARATAION 1:11

Sai mur ditambai Tuhan Debata ni ompumunu ma nian bahatmunu lalu tu saribu lompit jana dipasupasu ma hamu songon na nijanjihonNa i!