PANGARATAION 1:28 - BIBEL JAMITA NA DENGGAN

²⁸ Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

PANGARATAION 1:28 Referans Kwoze

HAKIM-HAKIM 1:20

Songon na dung diparentahon ni si Musa, anggo Hebron dilehen do tu si Kaleb, dibaen madung dipaorot si Kaleb najolo anak ni si Enak na tolu i.

JOSUA 15:14

Pomparan ni si Enak i, i ma angka halak: Sesai, Ahiman dohot Talmai. Madung dipaorot si Kaleb sudena halahi sian Hebron.

JOSUA 14:8

Hape anggo angka jolma na kehe rap dohot au, mambaen mabiar do halak Israel. Hape anggo au totop do unduk mangoloi Tuhan Debatangku.

JOSUA 11:22

Umpe sahalak sian bangso Anaki i na tinggal di Luat Israel; tapi anggo di Gasa, di Gat dohot di Asdod laing adong dope na tinggal piga-piga halak nari.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

JESAYA 13:7

Ganop halak hilalaonna ma tanganna gale jana heput.

HAKIM-HAKIM 1:10

dohot di kota Hebron, i ma kota na nigoaran najolo Kiryat-Arba. Ditaluhon halak Juda ma disi si Sesai, Ahiman, dohot Talmai.

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

PANGARATAION 20:8

Angkon dokkonon ni angka komandan muse dope tu angka jolma i songon on, ‘Adong dehe dison na gugup dohot na mabiar? Muda adong do, angkon mulak do ia. Muda nada mulak ia, mambaen sego do i tu semangat ni donganna na asing.’

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

PANGARATAION 1:29

Tapi hudok do, ‘Ulang mabiar hamu tu angka jolma i.

PANGARATAION 2:10

Narobi adong do sada bangso raksasa na margoar halak Em, i hian do na mangingani Ar. Sarupa do gincatna dohot halak Anakim, laing bangso raksasa.

PANGARATAION 7:17

Ulang dokkon hamu di bagasan rohamunu na umbahat do bilangan ni angka bangso i sian hamu gabe nada tarpaorot hamu halahi.

PANGARATAION 20:20

Hayu na so marparbatu do na tola tabaonmunu anso adong baenon handang pangambat lopus dapot kota i.”