PAMUNGKAAN 8:22 - BIBEL JAMITA NA DENGGAN

²² Salolot adong tano on, tongtong ma masa suanon dohot sabion, ari ngali dohot ari las, logo ni ari dohot nonat, arian dohot borngin.”

PAMUNGKAAN 8:22 Referans Kwoze

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

JEREMIA 5:24

Nada unjung diingot hamu laho pasangapkon Au, hape Au do nian na manongos udan, mamungka sian bona ni ari nonat lopus tu ujungna; laing Au muse do na mangalehen masa ni sabion di hamu ganop taon.

JEREMIA 31:35

Dipasingkop Tuhan do mataniari laho manorangi arian; bulan dohot angka bintang laho manorangi borngin. Digaor Ia laut i anso marombak galumbangna, Tuhan Na Markuaso i, i ma da goarNa.

HARURUAR 34:21

Onom ari ma lolotmu diloas markarejo, tapi anggo di ari papituhon angkon maradian do jana di hatiha ni pangkuron pe sanga di sabion angkon laing pasangaponmu do ari paradianan i.

PAMUNGKAAN 45:6

Taon paduahon dope haleon on, jana adong dope lima taon nari na so tarbaen halak mamangkur sanga manyabi.