PAMUNGKAAN 8:12 - BIBEL JAMITA NA DENGGAN

¹² Dipainte ia ma pitu ari nari, dung i dipalua ia ma darapati i sanoli nari, tapi nada mulak be tusia darapati i.

PAMUNGKAAN 8:12 Referans Kwoze

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

PAMUNGKAAN 8:10

Dipainte si Noak ma pitu ari nari dung i dipalua ia ma mangulahi darapati i.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

PAMUNGKAAN 8:11

Dung andospotang ro ma mangulahi darapati i mandapotkon si Noak maroban bulung ni zetun na rata sangkarambar di tuktukna i. Sian i diboto si Noak ma na dung surut aek na oto i.

JEREMIA 48:28

Hamu halak Moab, tadingkon hamu ma angka kotamunu jana maringanan di angka dolok batu ma hamu songon unggas darapati na mambaen asarna di sapsap bire.