PAMUNGKAAN 8:10 - BIBEL JAMITA NA DENGGAN

¹⁰ Dipainte si Noak ma pitu ari nari dung i dipalua ia ma mangulahi darapati i.

PAMUNGKAAN 8:10 Referans Kwoze

PAMUNGKAAN 7:4

Pitu ari nari paroonKu ma udan na so ra sumirsir opat pulu ari opat pulu borngin lolotna anso abis sude sandok na mangolu na Hutompa i.”

SURAT NI SI PAULUS TU PARLAGUTAN ROM 8:25

Tapi muda mararop ni roha do hita tu na so taida dope, gabe sobar ma hita painte-intehonsa.

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

PAMUNGKAAN 8:12

Dipainte ia ma pitu ari nari, dung i dipalua ia ma darapati i sanoli nari, tapi nada mulak be tusia darapati i.

PAMUNGKAAN 7:10

Dung pitu ari ro ma aek na oto i.

PAMUNGKAAN 8:9

Tapi dibaen ditutup aek i dope sude tano, nada dapot darapati i inganan hasonggopanna. Jadi gabe mangulahi ma ia ro tu kapal i, jana disurduhon si Noak ma tanganna pamasukkonsa mangulahi tu bagasan.

PAMUNGKAAN 8:11

Dung andospotang ro ma mangulahi darapati i mandapotkon si Noak maroban bulung ni zetun na rata sangkarambar di tuktukna i. Sian i diboto si Noak ma na dung surut aek na oto i.