PAMUNGKAAN 6:11 - BIBEL JAMITA NA DENGGAN

¹¹ Hape anggo angka na asing i sude do jungkat di parnidaan ni Debata jana sanga di dia pe hakejamon noma na masa.

PAMUNGKAAN 6:11 Referans Kwoze

JEHESKIEL 8:17

Didok Tuhan ma tu au, “Diida ho dehe i, ale jolma parsantongkinan? Nada puas dope pangkilalaan ni angka halak Juda on anggo hum angka pangalaho sihagigian i sajo dope dibaen halahi dohot mambaen tindakan na so mananda holong ni roha tu donganna jolma di sude luat i. Dipambaeni halahi do sudena i dison, di bagasan BagasKu jana i ma dalanna umbaen na mur gilap Huhilala. Ligi ma sanga na bia dibaen halahi palayas Au marhite pangalaho na jumorbut on!

HABAKUK 2:8

Ma bahat disamun ho angka bangso, tapi samunon ni angka bangso na so dapotmu ma ho, hara ni pamunuon na nipadalanmi dohot hara ni hakejamonmu maradopkon angka luat, angka kota dohot halak na manginganisa.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 2:13

Harana, nada hara ni na mamboto Tona i umbaen na tigor sada-sada halak adop Debata, tapi na patuluskon na nidok ni Tona i do na tardok tigor.

JEHESKIEL 28:16

Lalap do ho marboniaga, jana i ma da na maroban ho tu jogal ni roha dohot dosa. Jadi gabe Hupaorot ho sian dolokKu Na Badia i, jana diayak surusuruan panjagomi ho sian tonga-tonga ni simata na marlinang-linang i.

JESAYA 60:18

Nada adong be barita salaho tu na mangasa gogo, nada be masarsar luatmunu. Songon tembok Au mangondihon hamu, jana pujionmu ma Au songon sipaluamu.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

HABAKUK 2:17

Ditabai ho do angka hayu na di harangan Libanon, jana saonnari ho noma na giot sitabaon. Dibunu ho do angka binatang jana saonnari angka binatang i noma sihabiaranmu. Sudena on tarjadi hara ni pamunuon dohot hakejamon na dung nibaenmu maradopkon angka luat, kota dohot angka pangisina.

HABAKUK 1:2

Sadia honok nari ale Tuhan pio-pio au, tapi inda dibege Ho, mangido tolong au tu Ho, “Parkancitan!” Tapi nada ditolongi Ho au?

JEREMIA 6:7

Songon mual na sai paruarkon aek na lan, songon i do kota i sai tongtong parohon hajahatan. Hum barita na mamparkanciti dohot na manyegohon sajo do na Hubege sian kota i; bugang dohot nyae noma Hupaida-ida di sude inganan.

MASMUR 140:11

Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.

MASMUR 55:9

Sursari ma ale Tuhan, parkobaran ni musungku, angke huida do na mangasa gogo dohot hagaoran di kota.

MASMUR 11:5

Diuji Tuhan i do halak na denggan dohot sibaen hajahatan; halak na mangasahon hagogoon sai dihagigihon Ia.

PAMUNGKAAN 13:13

Na jahat do halak Sodom jana mardosa maradopkon Tuhan.

PAMUNGKAAN 10:9

Hara ni pangurupi ni Tuhan gabe parburu godang ma ia, jana hara ni i ma umbaen na somal didok halak, “Sai dipatumbuk Tuhan ma ho gabe parburu godang songon si Nimrod.”

2 JUJUR TAON 34:27

jana hara ni i gabe manyosal jana dipatoruk ho rohamu di jolongKu. Disibakkon ho pakeanmu jana mangandungi ho hara ni marsakmu di na nibegemu ancaman na Hudok laho manguhum Jerusalem dohot halak na maringanan disi. Madung Hutangihon tangiangmi

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

HARURUAR 32:7

Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.