PAMUNGKAAN 5:5 - BIBEL JAMITA NA DENGGAN

⁵ Jana marumur ma ia 930 taon di parmondingnia.

PAMUNGKAAN 5:5 Referans Kwoze

PAMUNGKAAN 5:11

jana marujung ma ngolunia di na marumur 905 taon.

PAMUNGKAAN 5:8

Jana di na marujung ngolunia marumur ma ia 912 taon.

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

JEHESKIEL 18:4

Satutuna, Au do nampuna tondi ni sude! Tondi ni ama bope tondi ni anak Au do nampunasa! Jana halak na mardosa, i do na angkon mate.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 12:5

Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

PARJAMITA 9:5

Palamani, diboto jolma na mangolu na inte do hamatean disia, hape anggo na mate nada dibotosa bagi aha. Nada adong disia upa sanga pamaloson, jana goarnia pe ma pola dihalupahon.

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

MASMUR 89:48

Ise ma tarbaen torus mangolu so pola mate? Ise tarbaen malua sian kuburan?

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

PARJAMITA 9:8

Padiar ma jeges bohimu jana tata.

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PAMUNGKAAN 5:4

Dung i martamba dope umur ni si Adam 800 taon nari. Adong dope angka dakdanaknia na asing.

PAMUNGKAAN 5:6

Di na marumur si Set 105 taon, adong ma anaknia na margoar si Enos.

1 JUJUR TAON 1:1

Songon on ma parjojor ni tarombo ni angka ompu ni bangso Israel mamungka sian si Adam lopus tu si Noakh: Adam Set Enos Kenan Mahalalel Jared Henokh Metusalah Lamekh Noakh Adong do tolu anak ni si Noakh: Si Sem, si Ham, dohot si Jafet.