PAMUNGKAAN 5:22 - BIBEL JAMITA NA DENGGAN

²² Dung i mangolu di bagasan pardonganon dohot Debata ma si Henokh 300 taon honokna jana adong dope angka dakdanaknia na asing.

PAMUNGKAAN 5:22 Referans Kwoze

1 TESSALONIKA 2:12

Hami paingot, hami sosoi jana hami jujui do hamu anso mangolu hamu mangihutkon na tumbuk di roha ni Debata, na mamiohon hamu tu bagasan Harajaan bope hasangapanNia.

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

MALEAKI 2:6

Ajarkonon ni halahi ma na sintong, nada be na marsalaan. Hombar tu hagiotKu noma parngoluon ni halahi. Bulus noma parrohaon ni halahi jana solkot parngoluonna dohot Au, nada hum na denggan be baenon ni halahi, tapi urupan ni halahi muse ma halak na asing anso ulang be mambaen na jahat.

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MASMUR 116:9

Gabe tola ma au dohot mangarasoi ngolu di tano on, di bagasan pangalinggoMi ni Tuhan.

HAMALIMON 26:12

Rap do Au dohot hamu, Au do gabe Debatamunu jana hamu gabe bangsongKu.

KOLOSSE 1:10

Jadi gabe tarbaen hamu ma mangolu mangihutkon na nipangido ni roha ni Debata bope na pasonangkon rohaNia tongtong, anso sai tarpatidahon hamu angka pangalaho na denggan di sude karejomunu. Jana mur martamba muse ma parbinotoanmunu taringot tu Debata.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

PAMUNGKAAN 24:40

Jadi ning ia mangalusi, ‘Suruon ni Tuhan na sai hupaolo-oloi i do surusuruanNia mandongani ho dohot mambaen denggan marhasil na nilangkahonmu. Dapot ho do i na gabe dongan matobang ni anakki sian angka koum sisolkotki, i ma sian horong ni damang.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

SURAT NI SI PAULUS TU PARLAGUTAN ROM 8:1

Saonnari nada adong be siuhumon di halak na mangolu di bagasan Kristus Jesus.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

MIKA 4:5

Ganop bangso na adong di portibi mangoloi be jana marsomba tu debatana sandiri. Tapi anggo hita haburjuhononta ma mangoloi Tuhan Debatanta jana tasomba Ia salolot-lolotna.

AMOS 3:3

Tarbaen he ma rap kehe dua halak anggo so jolo martahi?

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 86:11

Ajarkon ma tu au hagiotMu ale Tuhan, anso huihutkon i marhaburjuan. Ajari ma au marpangoloion tu Ho sian sandok rohangku.

MASMUR 56:13

Dibaen dipalua Ho au sian hamatean, jana dijagohon Ho au gabe nada ditaluhon. Gabe tola ma au mangolu di bagasan pangondingan ni Debata, di bagasan sinondang na manorangi sandok na mangolu.

MASMUR 26:11

Tapi na denggan do baenonku o Tuhan, ibo rohaMu palua ma au.

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

1 RAJA-RAJA 2:4

Muda dioloi ho Tuhan i, patulusonNia do janjiNia, i ma pomparanku gabe mamarenta di Israel, asal ma sude halahi sian sandok roha dohot ngolu ni halahi sai tongtong burju patulus angka parentaNia.”

PANGARATAION 28:9

Muda dioloi ho Tuhan Debatamunu jana dipatulus ho sude parentaNia, baenonNa ma ho gabe bangsoNa sandiri, songon na nijanjihonNa i.

PANGARATAION 13:4

Angkon mate do halak na songon i, uhumonmunu, angke na giot mangaliluhon hamu do halakna i sian dalan na niparentahon ni Tuhan tu hamu. Halak na jahat do i na marsuru hamu mangalo tu Tuhan na dung paluahon hamu sian Mesir, ingananmunu di parhatobanan. Jadi angkon bunuon do i anso mago hajahatan i. Tapi angkon ihutkononmunu do Tuhan jana pasangaponmunu; oloi hamu ma Ia jana patulus hamu sude na niparentahonNia. Sai hot ma hamu tongtong marpangoloion jana burju tuSia.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

HARURUAR 16:4

Didok Tuhan ma, “Giot paroonKu ma saonnari sipanganon marlobi-lobi songon udan di hamu sudena. Ganop ari angkon papunguonmunu do sipanganon tuk balanjo sadari. Songon i ma baenonKu manguji bangsongKu anso tarboto sanga na ra do halahi mangoloi angka na Huparentahon.

PAMUNGKAAN 5:24

Jana sai marpardonganon dohot Debata do ngolunia, dung i nada haidaan be ia, angke madung dibuat Debata ia.

1 KORINTUS 7:17

Marsiatur ngoluna be ma nian sugari hombar tu panogu-nogu ni Tuhan songon na dung ditontuhon Debata hian tu ganop be, di na mamungka dipio Debata mangkaporsayai Ia. I do aturan na huajarkon di ganop parlagutan.

PAMUNGKAAN 5:21

Di na marumur si Henokh 65 taon, adong ma anaknia na margoar si Metusalah.

PAMUNGKAAN 5:23

Marumur ma ia 365 taon.