PAMUNGKAAN 48:18 - BIBEL JAMITA NA DENGGAN

¹⁸ Didok ia ma tu amangnia i, “Ulang ma songon i, amang. On do da anakku siangkaan; tangan siamunmi ma da baen tu ulunia i.”

PAMUNGKAAN 48:18 Referans Kwoze

BAENON NI ANGKA RASUL 11:8

Tapi hualusi ma, ‘Nada le Tuhan! Nada unjung dope hupangan sipanganon na haram sanga na hodar.’

BAENON NI ANGKA RASUL 10:14

Dialusi si Petrus ma, “Nada le Tuhan! Nada unjung dope hupangan na haram dohot na hodar.”

MATEUS 25:9

‘Inda tola!’ ninna bujing-bujing na marroha i mangalusi, ‘Harana gabe sude do hita annon hurangan miak. Tu kode ma tobusi hamu!’

HARURUAR 10:11

Nada! Hum halaklahi do na tola kehe maribadat tu Tuhan, muda i ma na nihagiotanmunu.” Songon i ma hatana paorotkon si Musa dohot si Harun sian bagas godang i.

PAMUNGKAAN 49:3

Si Ruben, anakku siangkaan, ho do di au hagogoan. Parbatu na parjolo tanda na halaklahi au, ho do na tumongam jana na gumogo sian angka dakdanakku.

PAMUNGKAAN 43:33

Angka kahanggi ni si Josep i di meja na paadop-adop dohot meja ni si Josep ma dibaen, marjojor sian na tumobang lalu tu sianggian. Di na niida ni halahi pangatur ni parjuguk ni halahi i, homang-komang ma halahi marsiligian.

PAMUNGKAAN 29:26

Dialusi si Laban ma, “Mangihutkon adat dison, na so tola do pabagason parjolo anggina sian angkangna.

PAMUNGKAAN 27:15

Dung i dibuat si Ribka ma pakean ni si Esau na jumegesna, na nisimpannia di bagas, jadi dipapakehon ia ma i tu si Jakob.

PAMUNGKAAN 19:18

Tapi dialusi si Lot ma, “Ulang antong tu dolok hami suru.

PAMUNGKAAN 48:17

Nada sonang roha ni si Josep di na niidania amangnia i mamayakkon tangan siamunnia i tu ulu ni si Efraim, jadi digolom ia ma tangan ni amangnia paimbarkonsa sian ulu ni si Efraim tu ulu ni si Manase.

PAMUNGKAAN 48:19

Dijua amangnia i do i, didok ma, “Huboto do da i amang, huboto do. Pomparan ni si Manase pe gabe bangso na godang do. Tapi laing gumodang dope kuaso ni angginia i ulang ia, jana pomparan ni angginia i gabe angka bangso na godang do.”