PAMUNGKAAN 45:7 - BIBEL JAMITA NA DENGGAN

⁷ Ma ditongos Debata au tuson manjoloi hamu laho paluahon hamu dohot dalan hahomangan na songon on, boti anso adong na manjamin hatorkisanmunu dohot ginjang ni umurmunu.

PAMUNGKAAN 45:7 Referans Kwoze

BAENON NI ANGKA RASUL 7:35

Si Musa on ma na nitulak ni halahi, di na nidok ni halahi, ‘Ise he na mambaen ho gabe pamimpin dohot panguhum di hami?’ Hapengani ia do muse na nisuru ni Debata gabe pamimpin dohot na paluahon, markite-hite pangurupi ni surusuruan na ro mandapotkon ia di tadatada i.

MASMUR 44:4

Ho do Debatangku dohot Rajangku, na mangalehen hamonangan di si Jakob.

MASMUR 18:50

Dilehen Debata do hamonangan godang tu raja, tongtong dihaholongi Ia na nipiliNia, i ma si Daud dohot pomparanna, ro di salolot-lolotna.

HAKIM-HAKIM 15:18

Dung i manguas situtu ma dihilala si Simson gabe pio-pio ma ia tu Tuhan. Didok ia ma, “Tuhan, on dope dilehen Ho hamonangan godang on tu au. Saonnari angkon mate manguas noma au lakna, gabe tangkupon ni angka halak Pilistin na so marsunat on ma au?”

PAMUNGKAAN 45:5

Ulang pola mabiar hamunu sanga manyolsoli hamu hara ni na nigadismunu i au. Satutuna, Debata do da na manongos au tuson parjolo sian hamu laho mangoloi dohot paluahon bahat halak.

PAMUNGKAAN 50:20

Haru pe na dung satahi hian hamu laho mambaen na jat tu au, hape diuba Debata do hajahatan i gabe tu hadengganan, anso marhaluaan bahat halak na mangolu saonnari markite-hite pangalaho na masa na salpu i.

PAMUNGKAAN 47:12

Jana dipasingkop si Josep ma haporluan ni balanjo di amangnia, di angka kahangginia dohot di sude koum sisolkotnia lopus tu na umposo pe.