PAMUNGKAAN 43:7 - BIBEL JAMITA NA DENGGAN

⁷ Dialusi halahi ma, “Na torus do disapa-sapai halahi taringot tu hami dohot taringot tu isi ni bagasta, ‘Mangolu dope amanta hamu? Adong dope anggimunu halaklahi na asing?’ ninna halahi. Tontu angkon alusannami do sude sapa-sapania i. Na hami pikir hian ma he lakna angkon suruonnia hami maroban angginami i?”

PAMUNGKAAN 43:7 Referans Kwoze

PAMUNGKAAN 43:3

Jadi didok si Juda ma tusia, “Pir do da amang pandok ni gubernur i tu hami; na so tola do hami mangadop tusia anggo na so hami oban do angginami i.

PAMUNGKAAN 43:27

Disapai si Josep ma sanga na horas-horas do halahi, jana didok ia ma, “Madung dibaritahon hamu tu au taringot tu amanta hamu na dung matobang i – bia do baritania? Mangolu dope he ia, jana horas dope?”

PAMUNGKAAN 42:13

Ning halahi ma mangalusi, “Dua bolas halak do hami martinadohon tuan, na saama do hami, jana di Kanaan do amanta na umpompar hami. Anggo sada madung jumolo sian hami jana sianggian i rap dohot amanta do saonnari.”

PAMUNGKAAN 43:6

Didok si Jakob ma, “Biasi pasusa-susaonmunu au. Aha pola paboa-boaonmunu lakna na adong dope sada nari anggimunu?”

PAMUNGKAAN 44:19

Madung disapai tuan i tu hami sanga na adong dope amangnami sanga kahangginami na asing.

PAMUNGKAAN 42:11

Na martinadohon do hami on, tuan. Nanggo na mamata-matai hami, tapi halak na burju do hami.”