PAMUNGKAAN 43:12 - BIBEL JAMITA NA DENGGAN

¹² Oban hamu muse ma hepeng dua noli lompit sian na parjolo i, harana angkon paulahonmunu do hepeng na di bagasan harungmunu i. Betak na pasambar do i na salpu i.

PAMUNGKAAN 43:12 Referans Kwoze

PAMUNGKAAN 42:25

Diparentahon si Josep ma anso diisi angka harung ni angkangnia dohot eme, jana hepeng ni halahi i pe dipaulak mangulahi tu bagasan ni angka harung i. Dohot muse anso dilehen panganon di halahi balanjo di dalan. Dipatulus do sude parentania i.

PAMUNGKAAN 42:35

Jadi dung i, diparumar halahi ma angka harung ni halahi, dapot halahi ma disi dompet ni halahi be, marisi hepeng; jadi disi diida halahi hepeng i, gabe mabiar ma halahi dohot amang ni halahi i.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

1 TESSALONIKA 5:21

tapi tangkasi hamu ma sasudena, jana togu ma tiop hamu na denggan i.

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

PILIPPI 4:8

Ujungna, ale angka dongan, bagi aha na sintong, na pantun, na tigor, na ias, na jeges, na denggan begeon, angka parange na denggan jana sipujion, i ma pikiri hamu.

2 KORINTUS 8:21

Angkon tigor do hami markarejo, nada hum di jolo ni Tuhan, tapi dohot do di jolo ni jolma.

SURAT NI SI PAULUS TU PARLAGUTAN ROM 13:8

Ulang marutang hamu bagi aha tu sanga ise pe, di balik ni utang holong ni roha na sada tu na asing. Harana sanga ise halak na mangkaholongi dongan jolma, madung dipatulus halahi Tona i.

SURAT NI SI PAULUS TU PARLAGUTAN ROM 12:17

Muda jat dibaen halak tu hamu, ulang pola baloskon hamu i dohot na jat. Baen hamu ma aha na denggan tu sude halak.

PAMUNGKAAN 43:13

Oban hamu ma anggimi jana tibu ma hamu mulak.

PAMUNGKAAN 43:21

Di na mamasang bandar hami di pardalanannami laho mulak, hami buka harungnami i, jana dapot hami ma di bagasan harung i hepengnami be – sude hepengnami i disi. Saonnari hami oban do sude mulak tu hamu.

PAMUNGKAAN 43:22

Tamba ni i hami oban muse do hepeng panobusi panganon mangulahi. Na so hami boto do sanga ise na pamasukkon hepengnami i mangulahi tu bagasan harungnami i.”