PAMUNGKAAN 43:11 - BIBEL JAMITA NA DENGGAN

¹¹ Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PAMUNGKAAN 43:11 Referans Kwoze

PAMUNGKAAN 37:25

Jadi hatiha mangan halahi, ompot ma diida halahi sarombongan halak Ismael na di pardalanan sian Gilead laho tu Mesir. Maroban angka parmasak dohot hamonyan.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

JEHESKIEL 27:17

Juda dohot Israel manukar barang jagalanmu dohot gandum, aer ni loba, miak zetun dohot angka parmasak.

PODA 18:16

Muda mangadop iba tu sahalak na sangap, obanon do silehen-lehen anso momo pasuo.

1 SAMUEL 9:7

Didok si Saul ma, “Muda kehe hita tusi, aha ma silehenonta disia? Bohal na taoban madung abis, jana na so adong do bagi ahanta silehenon di ibana.”

BAENON NI ANGKA RASUL 21:14

Umpe ditangihon si Paulus na hami dokkon i, gabe sip noma hami. “Sai roha ni Tuhan i sajo ma na tulus,” ning hami noma.

JEHESKIEL 27:15

Halak na maringanan di Rodus pe marboniaga do dohot ho jana halak na maringanan di pasisir manobusi barang-barang jagalanmu marhite gading dohot hayu na lomlom.

ENDE NA GODANG 8:14

Tibu ma ro tu au, ale haholongan, songon hije sanga anak ni ursa, na di dolok-dolok hatubuan ni angka parmasak.

ENDE NA GODANG 4:14

Tubu ma disi narwastu dohot hunik, tobu dohot hulim, dohot sude ragam ni hayu na margota na huskus; mur dohot aloe, dohot parmasak marragam rupa.

ENDE NA GODANG 4:10

Tabo ni holongmi ale tunanganku, tumabo do holongmi sian anggur; humuskus do miak na dipakemi sian sude rempah-rempah!

PODA 21:14

Laho paombun muruk dohot rimas, lehen ma silua di sihabunian.

PODA 19:6

Bahat do halak mambuat roha ni na sangap, jana ganup do halak mardongan dohot na basa.

PODA 17:18

Hum halak na bodo do, na manjamini angka utang ni donganna.

MASMUR 76:11

Gohi ma janjimu tu Tuhan Debatamu. Denggan ma i sude bangso na maringanan di na donok maroban silua di Debata sihabiaran i.

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

MASMUR 68:29

Sai marsioban silua somba-somba ma angka raja baen di BagasMu di Jerusalem kota na badia.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

2 RAJA-RAJA 20:12

Laing di ombas i tarbege ma tu raja ni Babel, i ma si Merodak Baladan anak ni si Baladan na baru malum Raja Hiskia sian nyaena i. Gabe disuru ia ma halak maroban surat dohot silua tu si Hiskia.

2 RAJA-RAJA 16:8

Ditongoskon ia muse ma siluania sere dohot perak na sian Bagas Ni Debata, dohot sinadongan na sian bagas ni raja.

2 RAJA-RAJA 8:8

didok raja i ma tu si Hasael sahalak sian pagawenia, “Oban silua tu panurirang i, jana pangido ma anso disapai ia tu Tuhan betak na malum dope au sanga nada.”

1 RAJA-RAJA 15:19

“Tabaen ma parale-aleonta songon na nibaen ni damang dohot natorasmu. Rap dohot on hutongos do sere dohot perak baen silua, jana husosohon tu tuan i anso gotapkon hubunganmu sian si Baesa raja ni Israel i anso ditarik ia tentarania sian luatku.”

1 RAJA-RAJA 10:25

jana sanga ise na marroan i sai mangalehen silua do disia. Diparobani halahi do perak, sere, pakean, sinjata, parmasak, kudo dohot bagal; songon i ma sian taon tu taon.

1 RAJA-RAJA 10:15

nada nietong dope disi angka na sian kahanggi dohot angka untung sian na marjagal dohot sian angka raja ni halak Arab songon i sian gubernur ni Israel.

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

1 SAMUEL 25:27

Dijagit tuan i ma silua na huoban on di tuan i, jana dibagihon tuan i ma on, di parangan ni tuan i.

PANGARATAION 33:14

Na lobi jeges sian na nisuhahon ni mataniari dohot na lobi jeges na nitubuhon ni bulan,

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

PAMUNGKAAN 43:10

Sugari nada songon i lolotna tapainte-inte, ma pola dua noli mulak tarbaen.”

PAMUNGKAAN 43:15

Dung i dioban angka angkang ni si Josep i ma angka silua i dohot hepeng sidua lompit i bahatna, jadi kehe ma halahi tu Mesir rap dohot si Benyamin. Dung lalu halahi disi, mangadop ma halahi tu si Josep.

PAMUNGKAAN 43:25

Dung i diparade halahi ma silua ni halahi i na giot pasahaton tu si Josep muda ro ia arian i, harana madung dipaboa hian tu halahi, na giot rap halahi mangan arian dohot ia.

PAMUNGKAAN 43:26

Dung lalu si Josep tu bagas, dioban halahi ma angka silua i tu bagasan jana marsomba ma halahi tu si Josep laho pasahatkonsa.

JEHESKIEL 27:22

Laho manobusi angka barang-barangmi diobani angka parboniaga na sian Seba dohot Raema do angka parhiasan, sere dohot parmasak na dumenggan.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.