PAMUNGKAAN 4:17 - BIBEL JAMITA NA DENGGAN

¹⁷ Adong do sada anak ni si Kain dohot dadaborunia, digoari ma i si Henokh. Dung i dipajongjong si Kain ma sada kota, jana digoari ia ma kota i mangihutkon goar ni anaknia i.

PAMUNGKAAN 4:17 Referans Kwoze

MASMUR 49:11

Maringanan di kuburan noma halahi salolotna; disi noma halahi mian sapanjang manyahena, haru pe dompak di ngoluna, bahat ladang nampunana.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

2 SAMUEL 18:18

Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

PAMUNGKAAN 5:22

Dung i mangolu di bagasan pardonganon dohot Debata ma si Henokh 300 taon honokna jana adong dope angka dakdanaknia na asing.

PAMUNGKAAN 5:18

Di na marumur si Jared 162 taon, adong ma anaknia na margoar si Henokh.

PAMUNGKAAN 4:16

Jadi morot ma si Kain sian jolo ni Tuhan jana maringanan ma ia di tano na margoar “Nod” di Habincaran ni Eden.

PAMUNGKAAN 4:18

Adong ma anak ni si Henokh na margoar si Irad. Si Irad on ma amang ni si Mekhuyael. Anak ni si Mekhuyael ma si Metusael jana si Metusael ma amang ni si Lamekh.

MASMUR 49:12

Nada tarbaen jolma i martahan di hajagaronna, laing songon binatang i, ingkon mate muse do ia.