PAMUNGKAAN 39:3 - BIBEL JAMITA NA DENGGAN

³ Diida tuannia, na nidonganan ni Tuhan do si Josep jana sai manjadi do sude na nikarejohon ni si Josep dibaen Tuhan.

PAMUNGKAAN 39:3 Referans Kwoze

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

2 JUJUR TAON 26:5

Si Zakaria do panuturinia domu tu soal partondion. Salolot di ngolu ni si Zakaria, setia do si Usia maribadat tu Tuhan, jadi gabe dipasupasu Tuhan do ia.

1 SAMUEL 18:14

Manjadi do sude karejonia, angke didongani Tuhan do ia.

PAMUNGKAAN 21:22

Di hatiha i ro ma Raja Abimelek dohot si Pikol panglima ni tentarania tu si Abraham, didok halahi ma, “Sai didongani Debata do ho di sude na nikarejohonmu.

PAMUNGKAAN 26:28

Jadi ninna halahi ma mangalusi, “Saonnari madung hami boto hape na nidonganan ni Tuhan do ho jana didok rohanami, dengganan ma tabaen ihot-ihot ni parjanjian. Sumpahon ma,

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

NEHEMIA 2:20

Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

1 JUJUR TAON 22:13

Anggo burju do ho mangoloi sude aturan na nilehen ni Tuhan tu si Musa di bangso Israel, manjadi ma karejomu. Angkon puluk do ho jana marpos ni roha. Ulang ho mabiar sanga na mangadopi aha pe jadi.

1 SAMUEL 18:28

Songon i ma torang diida si Saul, na nidonganan ni Tuhan do anggo si Daud jana dihaholongi si Mikal borunia i.

PAMUNGKAAN 39:23

Nada pola porlu be anto-antoan ni kapala ni hurungan i sandok karejo na nipasahat tu si Josep, dibaen Tuhan do mandongani ia gabe manjadi ma sude karejonia i.

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 21:20

Didongani Debata do si Ismael. Mur magodang ma dakdanak i laing di padang parhorsihan Paran ma ia maringanan jana gabe parburu na utusan ma ia.

PAMUNGKAAN 39:2

Didongani Tuhan do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

2 RAJA-RAJA 18:7

Hara ni i ma umbaen na sai diurupi Tuhan ia gabe manjadi sanga aha pe na nikarejohonnia. Mamberontak do ia tu raja Asur jana nada ra ia tunduk tusi.

PAMUNGKAAN 21:23

Jadi sumpahon ma dison diadopan ni Debata paboa na so baenonmu na so tama tu au, songon i tu dakdanakku sanga pe tu pomparanku. Madung hubaen haburjuon tu ho, jadi hara ni i janjihon ma laing na burju muse baenonmu tu au dohot tu luat na huingani on.”

PAMUNGKAAN 39:21

Tapi didongani jana dipasupasu Tuhan do si Josep, jabat gabe jop roha ni kapala ni hurungan i mida ia.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.

1 JUJUR TAON 9:20

Si Pinehas anak ni si Eleasar – sai dijagohon Tuhan ma nian ia! – jungada do gabe kapala ni halahi.

2 JUJUR TAON 1:1

Madung tohong parjuguk ni si Salomo anak ni Raja Daud i gabe raja di harajaan Israel. Dipasupasu Tuhan Debatania do ia jana dibaen do markuaso situtu ia.