PAMUNGKAAN 39:2 - BIBEL JAMITA NA DENGGAN

² Didongani Tuhan do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

PAMUNGKAAN 39:2 Referans Kwoze

1 SAMUEL 18:14

Manjadi do sude karejonia, angke didongani Tuhan do ia.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

JEREMIA 15:20

BaenonKu ma ho songon benteng tumbaga maradopkon halahi. Porangan ni halahi ma ho, tapi nada tartaluhon halahi. DongananKu ma ho jana jagohononKu anso malua ho.

PAMUNGKAAN 26:28

Jadi ninna halahi ma mangalusi, “Saonnari madung hami boto hape na nidonganan ni Tuhan do ho jana didok rohanami, dengganan ma tabaen ihot-ihot ni parjanjian. Sumpahon ma,

PAMUNGKAAN 21:22

Di hatiha i ro ma Raja Abimelek dohot si Pikol panglima ni tentarania tu si Abraham, didok halahi ma, “Sai didongani Debata do ho di sude na nikarejohonmu.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

1 SAMUEL 16:18

Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”

1 SAMUEL 3:19

Mur magodang ma si Samuel. Didongani Tuhan do ia jana dipatulus do tutu tarjadi sude na nidok ni si Samuel.

1 SAMUEL 18:28

Songon i ma torang diida si Saul, na nidonganan ni Tuhan do anggo si Daud jana dihaholongi si Mikal borunia i.

1 TIMOTEUS 6:1

Angka halak Kristen na gabe hatoban, angkon etongon ni halahi do na patut nihormatan tuan ni halahi i anso ulang tarpajatjat halak Debata sanga pe pangajaranta.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

BAENON NI ANGKA RASUL 8:31

Dialusi bayo i ma, “Tarbia ma pangastuingku disi anggo so adong na patorangkonsa tu au?” Dung i disuru ia ma manaek si Pilipus tu kareta i jana rap juguk ma halahi na dua.

PAMUNGKAAN 21:20

Didongani Debata do si Ismael. Mur magodang ma dakdanak i laing di padang parhorsihan Paran ma ia maringanan jana gabe parburu na utusan ma ia.

PAMUNGKAAN 39:3

Diida tuannia, na nidonganan ni Tuhan do si Josep jana sai manjadi do sude na nikarejohon ni si Josep dibaen Tuhan.

PAMUNGKAAN 39:23

Nada pola porlu be anto-antoan ni kapala ni hurungan i sandok karejo na nipasahat tu si Josep, dibaen Tuhan do mandongani ia gabe manjadi ma sude karejonia i.

JOSUA 6:27

Didongani Tuhan do si Josua, jana tarbonggal situtu ma goar ni si Josua di sandok luat i.

2 RAJA-RAJA 18:7

Hara ni i ma umbaen na sai diurupi Tuhan ia gabe manjadi sanga aha pe na nikarejohonnia. Mamberontak do ia tu raja Asur jana nada ra ia tunduk tusi.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

1 JUJUR TAON 9:20

Si Pinehas anak ni si Eleasar – sai dijagohon Tuhan ma nian ia! – jungada do gabe kapala ni halahi.

2 JUJUR TAON 1:1

Madung tohong parjuguk ni si Salomo anak ni Raja Daud i gabe raja di harajaan Israel. Dipasupasu Tuhan Debatania do ia jana dibaen do markuaso situtu ia.