PAMUNGKAAN 38:5 - BIBEL JAMITA NA DENGGAN

⁵ Dung i ditubuhon ripe ni si Juda i dope sada anak halaklahi na margoar si Sela. Hatiha di Kesib do si Juda di parsorang ni dakdanak i.

PAMUNGKAAN 38:5 Referans Kwoze

BILANGAN 26:20

Pomparan ni si Juda: Marga Sela, Peres dohot Zerah.

1 JUJUR TAON 4:21

Sada sian anaknia si Juda margoar si Sela. Songon on ma parjojorna pomparannia: Si Er na mamungka kota Leka Si Lada na mamungka kota Maresa Si Kaum partonun abit linen di kota Bet-Asbea Si Jokim Halak na mangingani kota Koseba Si Joas Si Sarap na mambuat angka boru Moab jana na maringanan di Betlehem. Sian pustaha narobi do disalin parjojor ni goar-goar i.

PAMUNGKAAN 46:12

Si Juda; dakdanaknia: Si Sela, si Peres dohot si Zerah (anak ni si Juda deba nari, i ma mandiang si Er dohot si Onan na mate di Kanaan). Dakdanak ni si Peres: Si Hesron dohot si Hamul.

PAMUNGKAAN 38:26

Ditanda si Juda do barang-barang i, gabe didok ia ma, “Tigor do anak boru i. Au do na so manggohi na patut baenonku tusia – aturanna angkon pabagasonku do ia antong tu anakku si Sela.” Jadi nada be jungada si Juda marmainan dohot si Tamar.

PAMUNGKAAN 38:11

Dung i didok si Juda ma tu si Tamar parumaenna i, “Mulak ma hamu jolo parumaen tu bagas ni moranta, disi ma jolo hamu songon na marando lopus magodang anakku si Sela.” Na mabiar do ia betak sai dohot muse si Sela lalu dibunu Tuhan songon angkangna na dua i. Jadi mulak ma si Tamar tu bagas ni amangna.

PAMUNGKAAN 38:6

Dijalahi si Juda ma boru giot di si Er, anaknia siangkaan i. Si Tamar do goar ni daborunia i.

BILANGAN 26:19

Angka anak ni Juda i ma si Er dohot si Onan, na dung mate di tano Kanaan.

1 JUJUR TAON 2:3

Anak ni si Juda lima halak, sian dadaborunia na margoar si Batsua boru Kanaan tubu ma si Er, si Onan dohot si Sela; sian dadaborunia na margoar si Tamar i ma parumaennia sandiri, sorang ma si Peres dohot si Zerah. Na santak do jahatna anggo si Er anak siangkaan ni si Juda i, jadi gabe dibunu Tuhan do ia.