PAMUNGKAAN 38:10 - BIBEL JAMITA NA DENGGAN

¹⁰ Mangalapi muruk ni Tuhan do pambaenannia, gabe dibunu Tuhan muse ma ia.

PAMUNGKAAN 38:10 Referans Kwoze

PAMUNGKAAN 46:12

Si Juda; dakdanaknia: Si Sela, si Peres dohot si Zerah (anak ni si Juda deba nari, i ma mandiang si Er dohot si Onan na mate di Kanaan). Dakdanak ni si Peres: Si Hesron dohot si Hamul.

BILANGAN 26:19

Angka anak ni Juda i ma si Er dohot si Onan, na dung mate di tano Kanaan.

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

HAGAI 1:13

Dung i dipalalu si Hagai ma tu bangso i tona ni Tuhan i, mandok, “Au do mandongani hamu, ninna Tuhan.”

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

PODA 24:18

Harana, pasti idaon ni Tuhan do pangalahomi jana nada jop rohana mida ho, jadi nada diuhum ia be musumu.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

1 JUJUR TAON 21:7

Nada sonang roha ni Debata di sensus i jana diuhum Ia ma halak Israel.

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

BILANGAN 22:34

Didok si Bileam ma, “Madung mardosa au. Nada huboto na jongjong do Ho di tonga dalan laho mangambat au. Jadi saonnari pe, muda sala do hutoruskon pardalananku mangihutkon pandapotMu, mulak pe au.”

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.

1 RAJA-RAJA 17:20

lalu martangiang ma ia marsora na gogo, “O Tuhan, Debatangku, biasi diparo Ho Tuhan hamamago on tu na mabalu on? Songon i ma dengganna dibaen ia tu au, jana saonnari dibunu Ho ma Tuhan anaknia on!”

1 JUJUR TAON 2:3

Anak ni si Juda lima halak, sian dadaborunia na margoar si Batsua boru Kanaan tubu ma si Er, si Onan dohot si Sela; sian dadaborunia na margoar si Tamar i ma parumaennia sandiri, sorang ma si Peres dohot si Zerah. Na santak do jahatna anggo si Er anak siangkaan ni si Juda i, jadi gabe dibunu Tuhan do ia.