PAMUNGKAAN 37:9 - BIBEL JAMITA NA DENGGAN

⁹ Dung i marnipi ma si Josep mangulahi, jana didok ia ma tu angka angkangnia i, “Marnipi muse do au mangulahi, songon na huida mataniari, bulan dohot sabolas bintang marsomba tu au.”

PAMUNGKAAN 37:9 Referans Kwoze

PAMUNGKAAN 37:7

Marnipi au, hatiha di ladang hita sude manambati angka sagean ni gandum, jadi gabe jongjong ma da sagean ni gandum na hutambati i tigor. Anggo angka na nitambatanmunu i markaliang ma tu na hutambat i marsomba.”

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

DANIEL 8:10

Gabe tuk ma gogo ni tanduk i laho mamorangi tentara ni banua ginjang, i ma angka bintang, jabat do didanggurkon ia deba tu tano lalu didege-dege ia.

PAMUNGKAAN 47:12

Jana dipasingkop si Josep ma haporluan ni balanjo di amangnia, di angka kahangginia dohot di sude koum sisolkotnia lopus tu na umposo pe.

PAMUNGKAAN 46:29

ditengget si Josep ma karetania tu Gosen laho mangalo-alo amangnia. Di na marsuo halahi, dihaol si Josep ma amangnia i, tangis ma ia lolot.

PAMUNGKAAN 45:9

Saonnari, tibu ma hamu kehe tu damang jana dokkon hamu ma tusia, on ma na nidok ni si Josep anakmi, ‘Madung dibaen Debata au gabe parkuaso di sude tano Mesir; ro ma ho, ulang be palambat-lambat.

PAMUNGKAAN 44:19

Madung disapai tuan i tu hami sanga na adong dope amangnami sanga kahangginami na asing.

PAMUNGKAAN 44:14

Disi lalu si Juda dohot kahangginia i tu bagas ni si Josep i, laing di bagas i dope ia, gabe marsomba-somba ma halahi di jolonia.

PAMUNGKAAN 43:28

Dialusi halahi ma, “Anggo amanta hami naposomi, laing mangolu dope jana horas do ia.” Jadi marsomba ma halahi tusia.

PAMUNGKAAN 41:32

Diulahi do nipi ni raja i jabat dua noli, artina na dung ditontuhon Debata do i jana manigor patuluson ni Debata ma i.

PAMUNGKAAN 41:25

Jadi didok si Josep ma tu raja i, “Sarupa do astuan ni nipi na dua i. Ma dipaboa Debata tu raja i sanga aha na giot masa baenon ni Debata.

PAMUNGKAAN 37:10

Dicaritohon ia muse do nipinia i tu amangnia jana dipaingot amangnia ma ia, ninna, “Nipi aha i? Ning rohamu ro ma au, inangmu dohot angka angkangmu marsomba tu ho?”

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

PAMUNGKAAN 43:26

Dung lalu si Josep tu bagas, dioban halahi ma angka silua i tu bagasan jana marsomba ma halahi tu si Josep laho pasahatkonsa.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.