PAMUNGKAAN 32:7 - BIBEL JAMITA NA DENGGAN

⁷ Umbege i gabe mabiar ma si Jakob jana gamang ma ia. Jadi dibagi ia ma angka halak na rap dohot ia gabe dua rombongan; songon i muse angka biri-birinia, hambengnia, lombu dohot untonia.

PAMUNGKAAN 32:7 Referans Kwoze

PAMUNGKAAN 35:3

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

2 TIMOTEUS 3:12

Angkon hona ayak-ayak do tutu sude halak na ra pasahat ngoluna marsomba tu Debata jana na marpardomuan dohot Kristus Jesus,

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 8:26

Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

JESAYA 28:26

Diboto ia do sanga na bia baenonnia mangkarejohon i, harana madung diajari Debata ia.

PODA 2:11

Jagohonon ni pangastuionmu dohot hamaloonmu ma ho,

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 107:6

Di bagasan hasusaan, pio-pio do halahi tu Tuhan, jana dipalua Ia halahi sian hasompitan.

MASMUR 61:2

Di na mandele au, dao sian bagas, mangguk-angguk do au tu adopanMu. Taruhon ma au tu pangungsian na sonang,

MASMUR 31:13

Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.

HARURUAR 14:10

Dung diida halak Israel mur donok raja Mesir dohot tentarania i, sun ma biar ni halahi, jana pio-pio ma halahi tu Tuhan mangido pangurupion.

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

MASMUR 112:5

Martua ma halak na jop roha painjamkon jana na jujur di sude siuruson.

PAMUNGKAAN 32:3

Dung i disuru si Jakob ma piga-piga halak suruan na mardalan manjoloi ia tu Luat Edom laho mandapotkon si Esau angkangnia i.

PAMUNGKAAN 32:8

Ning rohania, “Muda pala ro si Esau jana diserang ia rombongan parjolo, betak sanga dope rombongan na paduahon paluahon dirina.”

PAMUNGKAAN 33:1

Diida si Jakob ma di na dao na ro si Esau rap dohot opat ratus halak. Jadi dibagi ia ma angka dakdanaknia di si Lea, si Rahel dohot di radingnia na dua.