PAMUNGKAAN 3:17 - BIBEL JAMITA NA DENGGAN

¹⁷ Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

PAMUNGKAAN 3:17 Referans Kwoze

PAMUNGKAAN 5:29

Didok si Lamekh ma, “Dakdanak on ma na paluahon hita sian karejonta na dokdok on, i ma na manjama tano na dung niburaan ni Tuhan.” Hara ni i, digoari si Lamekh ma goar ni dakdanak i si Noak.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

PARJAMITA 5:17

Di bagasan hagolapan, hasusaan, arsak ni roha, hamuruhon dohot parkancitan do hita salolot mangolu.

JOB 14:1

Mamungka sorang jolma gale so margogo; pendek ngoluna sai mardamoro.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

JOB 21:17

Unjung ma he lampu ni halak na jahat niintopan, jana hona mara halahi dohot na matean? Unjung ma he muruk Debata tu halahi, gabe diuhumSa halahi?

LUKAS 19:22

Didok raja i ma tusia, ‘Naposo na jahat do ho! Hombar tu hata na nipardokkonanmi, uhumanku ma ho. Diboto ho do antong parmuruk au; hubuati do angka na so au puna jana husabi angka na so jongada husuan.

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

PARJAMITA 2:17

Hara ni i, nada adong arti ni ngolu on di au, harana hum na parohon hasusaan do di au sude na masa di tano on, nada adong asing sian i. Sude do magopo; hum songon na manangkup angin sajo do.

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PAMUNGKAAN 3:11

“Ise mandok tu ho lakna, paboa na marsaemara ho?” ninna Debata manyapai. “Adong he dipangan ho batu ni hayu i na Hurarangi panganonmu?”

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

MATEUS 22:12

Gabe disapai raja i ma tu bayo i, ‘O, Dongan! Tar bia do parmasukmu tuson, biasi nada marabit pesta ho?’ Tarhohom ma bayo i.

IBRANI 6:8

Tapi anggo angka duri dohot angka duhut do na tubu sian tano i, nada adong guna ni tano sisongon i, jana buraan ma i muse jana ujungna nitutungan lopus abis.

PAMUNGKAAN 3:18

Partubuhonon ni tano i ma ramba-ramba dohot duri jana simarata noma sipanganonmu.

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.