PAMUNGKAAN 3:13 - BIBEL JAMITA NA DENGGAN

¹³ Disapai Tuhan Debata ma tu dadaboru i, “Biasi dibaen ho songon i?” Jadi dialusi ia ma, “Na dipaoto-oto ni ulok i do au, gabe hupangan batu ni hayu i.”

PAMUNGKAAN 3:13 Referans Kwoze

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

1 TIMOTEUS 2:14

Jana nada si Adam na dipaoto-oto, tapi dadaboru i do, gabe mangalaosi parenta ni Debata.

JOHANNES 18:35

Dialusi si Latus ma, “Halak Jahudi dehe au lakna? BangsoMi sandiri dohot angka sintua ni malim i do na pasahatkon Ho tu au. Aha do lakna na nibaenMu?”

2 SAMUEL 3:24

Dung i mangadop ma si Joab tu raja i, didok ia ma, “Na bia dehe pambaen ni raja i? Ma ro si Abner mangadop tu raja i. Biasi dipaloas raja i ia kehe boti sajo?

PAMUNGKAAN 44:15

Jadi didok si Josep ma, “Na mambaen bia dehe hamu? Adong he na so diboto hamu do, anggo songon au on halakna, tarbaen au do da padapotkon hamu sian na martondung.”

1 SAMUEL 13:11

tapi marsapa ma si Samuel, “Aha dehe na nibaen ni raja i?” Dialusi si Saul ma, “Huida madung mamungka ditadingkon rayat i au, hape laing nada ro amang di hatiha na dung ditontuhon. Boti muse madung marlagut halak Pilistin di Mikmas.

SURAT NI SI PAULUS TU PARLAGUTAN ROM 7:11

Harana di bagasan parenta i, dapotan inganan do dosa i giot paoto-otohon au jana markite-hite parenta i dibunu ia au.

1 SAMUEL 15:15

Dialusi si Saul ma, “Na nirampas sian halak Amalek do angka pahan-pahanan i. Angka biri-biri dohot lombu na jumeges madung dipambuati rayat i baen haul sihaulkonon tu Tuhan Debata. Tapi anggo lobina i, ma abis hami matehon.”

PAMUNGKAAN 12:18

Jadi dipiohon raja i ma si Abram jana didok ma tusia, “Na mambaen bia dehe ho tu au? Biasi nada dipaboa ho na dongan saripemu ia?

HAMALIMON 12:5

Muda manubuhon dakdanak sada ina, dakdanak na sorang i dadaboru, gabe hodar ma ina i opat bolas ari honokna dos dohot hatiha marorot pamatangnia. Lolot ni onom pulu onom ari hodar do ina i, angke hahurangan mudar ia. Dung i pe anso nietong ia ias.

1 RAJA-RAJA 13:18

Gabe margabus ma panurirang na matobang na sian Betel i didok ma tusia, “Au pe laing panurirang do songon ho. Na dung diparentahon Tuhan do sahalak surusuruan marsuru au mangalap dohot manjagit ho di bagasku.”

JUNUS 1:10

Dung i dicaritohon ia ma sanga songon dia pargilonia sian Tuhan. Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan.